Te Tangi a Hinepūtehue (wh. 4–8)
nā Rāniera Ranga rāua ko Te Urikore Biddle-Ranga
He whakarāpopototanga
Ko tēnei tuhinga e kōrero ana mō te riri o Tāwhirimātea i te wā i wehe a Tāne i ō rātau mātua. Ko Hinepūtehue te tamāhine a Tāne rāua ko Hinerauāmoa. I tōna rongo i te kino me te riri e rērere haere ana i ngā hau, kātahi ka puritia e Hinepūtehue te hau ki roto i ōna hue kia ringihia ki te aroha. Kātahi ka huri ēnei hau, ka puta atu ko te reo o te maungārongo.
Summary
This story talks about the anger Tāwhirimātea felt when Tāne separated their parents. Hinepūtehue was the daughter of Tāne and Hinerauāmoa. When she heard of the ill will and the rage flying in the wind, Hinepūtehue captured the wind in her gourds of love. Then the wind was transformed into peaceful sounds.
| Te momo reo tuhi Language style |
|
|---|---|
| Ētahi āhuatanga o tēnei momo reo tuhi Features of this language style |
|
I te Ākonga e Pānui ana i te Pukapuka
During Reading
He Ngohe
Anei he whakaaro mō ētahi ngohe e hāngai ana ki ngā kōrero katoa o roto o He Kohikohinga 58. Ka taea e te pouako ēnei te whakamahi kia tutuki ai ngā whāinga whakaako me ngā whāinga ako. Ka taea anō e ia te rāwekeweke ēnei whakaaro kia hāngai ake ki ngā whāinga ako me ngā hiahia o ngā ākonga.
Learning Activities
Here are some ideas for learning activities aligned with all the stories in He Kohikohinga58. Pouako can use these to help achieve their teaching and learning objectives. These ideas can be adapted to align with the learning objectives and needs of the students.
1. Whakamāramahia ngā āhuatanga o ia atua. Ka matapaki ngā ākonga ko ēhea ngā atua e mōhiotia ana e rātou. Mā te pouako e whakamahi te kauwhata hei tautoko i a rātou.
Explain to the students the characteristics of each atua. Students can discuss which atua they are familiar with. The teacher can help them using the chart below.
| Io | Ko Io te tīmatanga me te mutunga o ngā mea katoa. |
| Ranginui | Ko Ranginui te atua o ngā rangi me te kaitiaki o āna mokopuna maha, arā, ko ngā aorangi, ngā whetū me te marama. |
| Papatūānuku | Ko Papatūānuku te whenua e noho nei te tangata. Ko ia hoki te whaea o ngā mea katoa. |
| Tāne | Ko Tāne te kaitiaki o te ngahere, ngā manu, ngā ngārara, arā atu. Ko ia hoki te kairapu i ngā kete o te wānanga, ā, i wehe ia i a Ranginui rāua ko Papatūānuku. |
| Tāwhirimātea | Ko ia te atua o ngā hau me ngā pae huarere. |
| Rongomātāne | Ko ia te atua o te whakatō kai, te atua o te hauhake. Ko ia hoki tētahi o ngā atua o te maungārongo. |
| Haumietiketike | Ko ia te atua o te rongoā me ngā momo otaota. |
| Tangaroa | Ko ia te atua o ngā ika. |
| Rūaumoko | Ko ia te atua o ngā rū, me ngā puia. |
| Tūmatauenga | Ko ia te atua o te pakanga me ngā riri pakanga. |
| Hinerauāmoa | Ko ia tētahi o ngā tamaiti a Tangotango – nō te whānau whetū. Ko ia hoki te whaea o Hinepūtehue. |
| Hinepūtehue | Ko ia te kaitiaki o te hue. |
2. Tautohutia tētahi atua Māori mai i te tuhinga, kātahi ka tuhi i tētahi rotarota pangakupu e hāngai ana ki āna mahi.
Identify one of the atua in the text, then write an acrostic poem about their role.
3. Whakaraupapahia me te whakamārama i ngā kaupapa matua nō roto i te tuhinga, hei tauira, te mahi a ia atua, tōna wāhi, tōna āhuatanga ka kawea.
List and explain the main points in the story, for example, what each atua does, their territory, and attributes.
