He Kupu Whakataki
Introduction
“Ko te reo Māori te kākahu o te whakaaro, te huarahi i te ao tūroa.”
nā Tā Hēmi Henare, 1984
Ko te huinga pukapuka He Kohikohinga he kohinga kōrero nō neherā, nō ēnei rangi tonu e hāngai ana ki te hunga tamariki. E hāngai ana ngā pukapuka He Kohikohinga ki ngā ākonga kei ngā tau 4–6. Ko te arotahinga o tēnei putanga ko te hauora.
The He Kohikohinga series is a collection of contemporary stories compiled to appeal to students in years 4–6. This issue focuses on the stories about health and safety.
Te Whāinga o Tēnei Pukapuka
Purpose
He mea waihanga tēnei pukapuka hei tautoko i ngā pouako ki te:
- tautohu hononga ki Te Marautanga o Aotearoa
- whakahāngai i ngā kōrero o te putanga nei ki tā te kura hōtaka reo matatini
- whakawhānui i ngā horopaki me ngā whakamahinga o tēnei pukapuka mā te whakatauira i ngā momo ngohe ako
- tīpako i ngā pūkenga me te mātauranga e arotahitia ana me te tautohu i ngā rautaki ako hei whāngai i ēnei āhuatanga ki te ākonga.
| The Teacher Support Materials are designed to assist teachers to:
|
He Hononga ki Te Marautanga o Aotearoa
Links to Te Marautanga o Aotearoa
Koia nei ētahi hononga ki Te Marautanga o Aotearoa, nō ngā wāhanga ako o Te Reo Māori me Hauora. He hononga anō ki ētahi atu wāhanga ako engari mā te pouako tonu e whiriwhiri ko ēhea ngā wāhanga ako me ngā whāinga paetae hei whakaako māna.
| Here are some links to the Te Reo Māori and Hauora learning areas of Te Marautanga o Aotearoa. Links can be made to other learning areas in Te Marautanga o Aotearoa, however teachers should select learning areas and learning objectives appropriate for their students. |
| Te Taumata | Te Wāhanga Ako | Te Whenu | Te Whāinga Paetae |
|---|---|---|---|
| 3 | Te Reo Māori |
ā-Tā (āheinga reo) | Ka tautohu, ka tā i ngā tino āhuatanga o ngā momo reo tuhi, reo tā maha. |
| 3 | Te Reo Māori |
ā-Tā (puna reo) | Ka mārama ki ētahi kupu ake o tētahi kaupapa motuhake. |
| 3 | Te Reo Māori |
ā-Tā (rautaki reo) | Ka whakamahi i ētahi rautaki rangahau. |
| 3 | Hauora | Waiora (haumarutanga) | Ka tautohu, ka whakamahi i ngā tikanga haumaru i roto i te kura, kia whaihua ai ēnei tikanga. |
