Te hononga marautanga
Pūtaiao (5, wh. 22) Ō mataora: Te weu
Whāinga paetae: Ka taea e te ākonga te kohi me te whakatakoto kōrero mō ngā take me ngā whakapapa o ngā āhuatanga māori, o ngā āhuatanga nunui o te takiwā tae atu ki ngā tāpui wai (pēnei i ngā puia, i ngā pari, i ngā mānia, i ngā horo whenua, i ngā roto, i ngā momo oneone).
Pāngarau (7, wh. 25) Te torotoro tataunga, Whakataunga tata
Whāinga paetae: I roto i ngā horopaki whai tikanga, me mōhio te ākonga ki te kimi hautau mai i ngā tau oti, tau ā-ira rānei, hei whakaoti rāpanga whaitake.
Tikanga ā-iwi (wh. 51) Te ahurea me te tuku ihotanga
Whāinga paetae: Te whakanui i ngā rā motuhake.
Ngā Toi (wh. 68) Ngā mahi a Te Rēhia: Kōeke 4
Whāinga paetae: Ka whakaatu te ākonga i ngā tukanga me ngā tūmomo mahi i roto i ngā mahi a Te Rēhia.
Ngā pūkenga - Kia taea e te ākonga:
- te whakahaere tika i tōna whanonga mō te tūmomo mahi e mahia ana e ia;
- te whakamārama i te hanga houtanga o tētahi tūmomo mahi me tōna horopaki;
- te whakatu tika i te āhua o tētahi tūmomo mahi i roto i tētahi horopaki.
