Te Reo Māori i roto i te Marautanga o Aotearoa
| Whenu | Whakarongo (Kōrero) |
| Kōeke | 3 |
| Whāinga paetae | Ka whakarongo, ka mārama, ka pāhekoheko te ākonga kia mau, kia roa ai ngā whiriwhiri ā-rōpū i ngā tūmomo horopaki ako katoa. |
| Pūkenga | Ko te maumahara, ko te whakautu i nga āriā matua me ngā pātai e pā ana ki ngā horopaki e taunga ana te ākonga. |
| Whenu | Kōrero (Whakarongo) |
| Kōeke | 3 |
| Whāinga paetae | Ka taea e te ākonga te kōrero, te pātai, te whakaputa ōna ake whakaaro ki te hunga ākonga, ā, me raupapa, me mārama te kōrero. |
| Pūkenga | Ko te whakamārama me te āta whakaatu i ngā mōhio. |
| Whenu | Pānui (Tuhituhi) |
| Kōeke | 3 |
| Whāinga paetae | Ka taea e te ākonga te tīpako mai me te pānui ngā tuhinga, hei whakangāhau, hei whakaea hoki i ngā kaupapa kua whakaritea. |
| Pūkenga | Ko te tīpako mōhio mai i ngā tuhinga māmā hei whakaea i tētahi kaupapa motuhake. |
| Whenu | Tuhituhi (Pānui) |
| Kōeke | 3 |
| Whāinga paetae | Me mārama, me whai hua tā te ākonga, tāna tuhi i ngā momo tuhinga huhua noa. |
| Pūkenga | Ko te tīpako i te momo tuhituhi e hāngai ana ki te kaupapa me te pūtake o te kōrero. |
| Whenu | Mātakitaki (Whakaatu) |
| Kōeke | 3 |
| Whāinga paetae | Ka mātakitaki, ka mārama te ākonga ki ngā momo reo ataata, reo ā-waha, me te mōhio anō ki te pānga o tētahi ki tētahi. |
| Pūkenga | Ko te auahatanga o te whakaaro reo ataata. |
| Whenu | Whakaatu (Mātakitaki) |
| Kōeke | 3 |
| Whāinga paetae | Ka taea e te ākonga te whakamahi ngātahi te reo ā-waha me te reo ataata kia puta ai ngā pānga e hiahiatia ana. |
| Pūkenga | Ko te tāutu i ngā pānga o ētahi āhuatanga reo ataata. |
