Te Miēre Mānuka
He Titiro Whānui ki ngā Karere Matua o roto i ngā Tuhinga
Ko te aronga o Te Mīere Mānuka, ko tētahi hapori iti i te taiwhenua e āta whakatutuki ana i ētahi hiahia kua kitea i waenganui i a rātou. Heoi, me te uru mai anō, te mōhio rānei o te hapori whānui ake ki tēnei kaupapa e kawea ana i Whangaparāoa.
Ko tētahi mea nui, nō ngā Māori tonu ngā whenua e whakamahia ana mō te mahi mīere, nō reira kei a rātou te mana whenua, he mea nui anō ki a rātou tā rātou tū hei kaitiaki mō ō rātou whenua.
Ko Tuihana Pook tētahi o ngā rangatira o te pakihi mahi mīere koia te arotahinga o tēnei horopaki, ko ia anō te Tumuaki o te kura. Nā ēnei mahi e rua āna, kua takoto he huarahi ako atu anō mā ngā ākonga, i roto i tētahi horopaki tūturu.
Ahakoa he horopaki hangarau Te Mīere Mānuka, he hononga ōna ki Ngā Tikanga ā-Iwi me Te Pūtaiao.
