Ngā Huarahi Aromatawai me ngā Hono ki te NCEA
Kei te uhi whakaroto o ia pukapuka ngā whāinga paetae e rite ana, mai i te taumata 6 o te marautanga. I te tūtohi i raro nei e whakaataria ana te hononga i waenga i ngā Whāinga Paetae, te wāhanga o te rauemi e pā ana ki te Wahakura, me ētahi āhuatanga o te Paerewa Paetae i te Taumata 2 o te NCEA. Hei whakatauira tēnei me pēhea te whakamahi i tēnei rauemi ki te whakatakoto huarahi aromatawai.
| Whāinga | He taunakitanga, he tauira nō roto i te tuhinga | Paerewa |
|
Ka tirohia ngā uara me ngā whakapono o iwi kē, ka: | He Wahakura |
MAS90344 Paearu Kaiaka |
| whakahāngai ki te otinga | Ka mau tonu ngā uara me ngā tikanga Māori i roto i te whanaketanga o te wahakura. Ina rā, ahakoa i tautohua te hiahia i ngā tatauranga me ngā kitenga hauora whānui, kāore i tītaha te hua i puta i ngā whakapae o te ao hauora whānui. Ko tētahi hoki o ngā āhuatanga i āta arohia i te hanganga o te taonga nei, ko te hiahia o ngā mātua Māori kia moe mai ā rātou pēpē i ō rātou taha. Nō reira, he mea nui kia kitea he otinga e taea tonutia ai tērā. | Te whakaraupapa i ngā āhuatanga matua, te whakamārama i ngā pānga matua me ngā pāhekohekotanga matua, i roto i te hanga kōrero tohu whakamārama mō tētahi take. Te whakawhanake, te arotake me te whakahau tōtika i tētahi mahere mahi hei whakatutuki i ngā rapanga/ wā arotau. Te whakamahi mahere mahi hei āwhina i te whakahaere o ngā mahi. |
| mōhio ki ngā whakaharatau |
Ka hoki a Tākuta Tipene-Leach ki ngā kuia o Tūranganui-a-Kiwa ki te kimi i tā rātou tautoko, i ō rātou mātauranga raranga. Kei ō tātou hapori tonu ngā rōpū e kawe ana i ngā kaupapa hangarau. He mea nui kia tautohua rātou. I kimihia ngā mātauranga hangarau o ngā kairaranga mō te tukanga, te hoahoa me te momo harakeke tino kaha hei hanga i te wahakura. Nā konei i kore ai e pā he raruraru nui, taha haumaru, i te tahuritanga ki te kuhu atu i te pēpē ki roto. | |
| whakarite ki ngā hangarau a tangata kē |
I kimihia ngā kōrero mō ngā ritenga moe a ngā tūpuna, me te kite anō i ngā āhuatanga ōrite o te wahakura me te kete a Moses. Ko te hunga mātāmua e whai pānga ana ki tēnei kaupapa, ko ērā o ngā wāhine hapū he āhuatanga kei a rātou e nui ake ai te tūpono mate ohorere o ā rātou pēpē. Ka waihangatia he tauira ariā, nō muri mai ka whakapaitia ake, taha rerehua, taha haumaru. He mea āta whakamātau te wahakura kia mōhiotia ai āe, e hāngai pū ana ki tōna kaupapa i hangaia ai. | |
| mārama ki ngā ārai me ngā huarahi wātea ka taea. |
He maha ngā take i ara ake, kāore anō kia tatū. Me tautoko rawa ngā tapuhi whakawhānau e tohaina ai ngā wahakura ki ngā whānau noho mōrearea. Ko aua tapuhi anō tētahi rōpū mātāmua i roto i te kaupapa; ki te tautokona e rātou te wahakura, tērā ka whakamahia, ka whakaaetia e ngā whānau Māori. Ki te kore e tae atu, e whakamahia e ngā whānau noho mōrearea, e kore e whaihua tonu tēnei kaupapa. Ki te hāpaitia ake e ētahi atu whakahaere, ki te kī ake rātou e whaihua ana, koia e whakaiti ana i te tokomaha o ngā pēpē mate ohorere, tērā pea ka kitea he pūtea hei tautoko i ngā kairaranga me ō rātou pūkenga. | Te whakamahi rawa hanga tauira hei whakamātau i te pai hei whakatutuki i te kaupapa o te hoahoa o tētahi ariā, ki ngā tāngata tino whai wāhi o te hapori whānui. |
| Ka tūhura i ngā āhuatanga matua o te tangata e pā ana ki: | ||
| ngā pūnaha, ngā tukanga rānei |
Ka rarangahia ngā wahakura e ngā whānau, e ngā hapū, e ngā iwi. He raranga tahi te mahi, e ea ai te kaupapa kotahi. Kua takoto ētahi whakaritenga e noho haumaru ai ngā pēpē ka tahi, e kore ai e tere ruha te wahakura ka rua. | |
| te hiahia o ngā kiritaki | I āta kitea te hiahia o te hapori ki tēnei taonga, i roto i ngā tatauranga hauora. | |
| ngā rautaki whakatairanga ki te kiritaki. |
I tēnei wā, kua riro mā ngā ngutu o te iwi, me ngā rauemi a ngā kaimahi Māori o SIDS, e kawe haere ngā rongo mō tēnei taonga. Arā ētahi rōpū raranga iti puta noa i te motu kua tae atu ki a rātou ngā rongo mō te wahakura, mā roto i ō rātou whātuinga whakawhiti kōrero. |
E whakatauira ana ngā tuhinga nei i ngā whakaritenga o roto i te maha tonu o ngā Paerewa Paetae. Hei tauira:
MAS 90351 Te whakawhanake me te whakahaere i tētahi tau otinga kotahi i roto i te hangarau hanga me ngā pūhanga manawa o te hangarau.
Ko te Wahakura te tino tauira o tēnei, ina ōna kōrero i te tūtohi o runga ake nei.
MAS 90352 Te whakawhanake i tētahi tau otinga i roto i te hangarau me tētahi tukanga whakaputa, ka haere tonu
Nā te horanga o te ariā o te wahakura ki ngā hapori raranga i tēnā rohe, i tēnā, kua tū mai he pūnaha waihanga wehenga rau, hei whakaea i te hiahia.
E puta ai te ihu o te ākonga i te hangarau, me wairua auaha, me āhei anō ia ki te torotoro, ki te whakapakari, ki te whakamahi i ngā pūkenga hou, ki te kawe tika i ngā āhuatanga hangarau, ki te whakawā i a rātou anō, ā, ki te ū tonu, ki te arotahi tonu ina pā he raruraru. Engari ko te mea nui, kia kawea ēnei mea katoa i tētahi taiao ako e haumaru ana, taha ahurea, e hāpai ana i ō rātou uara me ā rātou tikanga.