Ngā Mahi Pāpāho Māori
He Titiro Whānui ki ngā Karere Matua o roto i ngā Tuhinga
I Ngā Mahi Pāpāho Māori, ka whewherahia ngā huarahi i takoto i tētahi hiahia mutunga kore o ngāi tāua, te tangata, arā, ko te hiahia ki te kōrero, ki te whakapā atu, tētahi ki tētahi, me te whakapau kaha anō a te iwi Māori ki te whakapūmau, ki te whakaora ake i te reo Māori.
Ahakoa e tae atu ana ngā mahi a ngā rōpū pāpāho e kōrerotia ana i konei ki te motu whānui, ka taea tonutia e ngā iwi, e ngā hapū,
e ngā whānau, e ngā kura, ā rātou ake pāhōtanga whāiti ake. Kei te rahi ngā whanaketanga taha hangarau i tēnei wā, ā, e kore e mutu te hiahia o te tangata ki te whakapā atu ki ētahi atu. Nō reira he nui ngā huarahi e wātea ana hei whai mā te rangatahi i te ao pāpāho.
I tēnei kaupapa, he wāhi anō kei ngā mātauranga me ngā pūkenga o roto i Ngā Toi me ngā ako-e. Ā, ko te reo Māori anō te wāhanga matua.
