Te Wharekura 73 – Ngā uki a ngā Rauru Kiitahi
Whakaatu (Mātakitaki)
Ngā whāinga paetae
Kōeke 5
Ka taea e te ākonga te whakamahi te huhua o ngā āhuatanga reo ataata hei whakawhiti whakaaro.
Kōeke 6
Me hāngai te reo ataata o te ākonga ki te kaupapa, ki te pūtake o te whakaaturanga, me te hunga mātakitaki.
Kōeke 7
Ka whakamahia e te ākonga te huhua o ngā āhuatanga reo ataata i ngā horopaki huhua noa, kia tutuki tāna i pīrangi ai.
Kōeke 8
Me whai hua, me mārama te whakamahi a te ākonga i te huhua noa o ngā āhuatanga reo ataata, reo ā-waha.
Ngā pūkenga
Kōeke 5
Ko te mātau ki te huhua o ngā āhuatanga reo ataata.
Kōeke 6
Ko te whiriwhiri i ngā ariā matua o te kaupapa kia whakaaturia atu.
Kōeke 7
Ko te tāutu i ngā hua o te whakaaturanga e pīrangitia ana.
Kōeke 8
Ko te whakamārama i ngā hua o te reo ataata ki te reo ā-waha.
Te kawenga
Ngā uki a ngā Rauru Kiitahi
Whakatauritea ngā momo tautakotoranga atu mō ngā whakaheke o ngā whakapapa. Hei tauira, he tuhinga, he pikitia, he rākau, he mahere, he taki kōrero.
Ngā whare a Rauru
He wā tēnei mō ngā ākonga kia pāhekoheko atu ngā tānga o ngā tīpuna ki te aroaro o ngā ākonga katoa. He wā whakatauritenga, he wā āta tirohanga atu o ngā tānga kē o ngā tīpuna.
Te kukunetanga o te whakaaro me Ranginui rāua ko Papatūānuku
He wā tēnei mō ngā ākonga kia pāhekoheko atu ngā reo ā-tinana ki te aroaro o ngā ākonga katoa. Hopukina ngā reo ā-tinana ki runga rīpene ataata.
Ētehi ingoa atua
Whakatauritea atu ngā tānga o ngā atua ki ngā tīpuna nā. Kātahi ka pātai atu, "He aha ngā rerekētanga i waengapū i ēnei tānga o ngā atua ki ngā tīpuna?" "He aha te take mō tēnā?" "He ōrite pea ngā tānga, he pēhea ai?"
