Te Wharekura 73 – Ngā uki a ngā Rauru Kiitahi
Mātakitaki (Whakaatu)
Ngā whāinga paetae
Kōeke 5
Ka mōhio, ka whakamārama ake te ākonga i ngā hua o te nohotahi a te reo ataata me te reo ā-waha.
Kōeke 6
Ka whai haere, ka mārama te ākonga ki ngā wāhanga reo ataata āhua roa tonu, ā, ka taea te whakamārama atu te āhua o te hononga atu o ēnei ki te reo ā-waha.
Kōeke 7
Ka whai te ākonga i ngā whakaaturanga reo ataata āhua roa ake, ahakoa te kaupapa, ā, e mārama ana ia ki te pūtake o aua whakaaturanga.
Kōeke 8
Ka arotake te ākonga i ngā hua o te whakaaturanga reo ataata e whakamahia ana i ngā wāhi huhua noa e pā ana ki ngā take huhua noa.
Ngā pūkenga
Kōeke 5
Ko te whakamārama atu i te hononga o ngā tohu reo ataata ki ngā tohu reo ā-waha.
Kōeke 6
Ko te whai haere i te kaupapa o te whakaaturanga.
Kōeke 7
Ko te whai māramatanga mai i te noho tahi a te reo ataata me te reo ā-waha.
Kōeke 8
Ko te tāutu i ngā āhuatanga o te reo ataata e puta ake ana i ngā āhuatanga huhua.
Te kawenga
Ngā uki a ngā Rauru Kiitahi
Me āta tiro ngā ākonga te upoko nei, kātahi ka hanga tētahi whakaheke o ngā whakapapa. Mā tēnei mahi ka mōhio ko wai ka moe i a wai, ā, ko wai ka puta i a wai?
Hei tauira
Wharawhara = Aroaro-te-rangi
| | |
Whaitiri = Kaitangata
Te Āwhiorangi me Te Iwiora Tama-i-parea – Ngā Ruaiti
Hei mahi takiwhā
Tirohia ngā whakaahua o te upoko nei. Tukua ngā ākonga kia tāutu tētehi whakaahua hei whakamārama ā-waha ngā whakaaro mō te āhuatanga.
Ngā whare a Rauru
- Tāngia tētehi pikitia o ngā whare a Rauru me ōna āhuatanga.
- Ka pūtohutohu ngā ākonga kia whakatau atu te āhuatanga o te tipuna. Mā te whakatau atu ka taea e ngā ākonga te mōhio mai ko wai tērā whare.
Te wā o te korekore
Hoatu tētehi rārangi o te upoko nei ki ngā ākonga kia tā hei pikitia, kātahi ka whakakiko atu taua i te reo-ā-tinana.
Te kukunetanga o te whakaaro
Hoatu tētehi rārangi o te pō ki ngā ākonga, kātahi ka whakakiko atu i te reo ā-tinana. I muri i tēnā ka whakakiko te raupapa o te upoko nei i te reo-ā-tinana.
Ranginui rāua ko Papatūānuku
Hei mahi ā-rōpū
Kia whitu ngā rōpū. Mā ia rōpū e whiriwhiri tētehi kōwae o tēnei upoko hei tirohanga mā rātou. Whakatinana atu te upoko nei mā te kanikani.
Ētehi ingoa atua
Tukuna ngā ākonga ki te tīpako tētahi atua kia tāngia atu tōna āhuatanga whakanui hei pikitia.
