Te Wharekura 33
E te hunga rangatahi, e ngā taitamariki o ngā kura whānui o Aotearoa, nau mai rā ki tēnei te whakamarangatanga o Te Wharekura. Ahakoa te roa e ngaro atu ana, kua oho, kua tae awatea. Kawea mai te wairua kia hāpaitia te mana, te ihi, te wehi o to tātau nei reo Māori. He taonga hoki, he māpihi pounamu i waihotia e kui mā, e koro mā. Tangihia rātau, haere, haere, ōti atu. Engari, kia whakapūmau ki ō rātau nei kuika kia pakari ai te ako, te kōrero, te tuhi me te pānui. Otirā kia mau ki te kī:
E hī ake ana te ātaakura
He tio, he huka, he hauhunga
Tihe mauri pua, tihe mauri aka
Tihe Mauri Ora!
Kei roto i tēnei putanga o Te Wharekura tētahi kōrero mō te haerenga ki te rapu me te kawe i ētahi pounamu e rua mai i Murihiku kia haria ai ki tāwāhi hei mauri mō te whakakitenga o Te Māori ki Amerika.
Nō te tau 1991 tēnei pukapuka i puta ai.
Kōwhiritia tētahi pūrākau mai i ngā kohinga e takoto nei