Te Wharekura 73 – Ngā uki a ngā Rauru Kiitahi
Tuhituhi (Pānui)
Ngā whāinga paetae
Kōeke 5
Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa.
Kōeke 6
Me hāngai, me tika te rere o ngā tuhinga a te ākonga, ā, ka kitea tōna auahatanga i roto i ngā momo tuhinga huhua noa.
Kōeke 7
Ka taea e te ākonga te tuhi ahakoa pēhea te roa, te poto, te pūtake kē rānei; me mārama, me hāngai hoki taua tuhinga.
Kōeke 8
Me matatau te ākonga ki te tuhituhi i ngā momo tuhinga huhua noa, mō ngā kaupapa huhua, ā, ka kitea te hōhonu o te whakaaro me te hihiri ki te kaupapa.
Ngā pūkenga
Kōeke 5
Ko te whakatakoto kupu kia mārama, kia raupapa anō ōna whakaaro.
Kōeke 6
Ko te tūhonohono me te whakaraupapa i ngā whakaaro kia ngāwari ai te pānui.
Kōeke 7
Ko te whai i ngā takinga tuhituhi e pai ake ai te whakatakoto kōrero.
Kōeke 8
Ko te whakaputa i ōna ake whakaaro ki ngā kaupapa uaua, kaupapa hōhonu.
Te kawenga
Ko te nuinga o te tuhinga o ngā upoko he papai mō ngā tūmomo tuhinga taki. Me tīpako ngā ākonga i tētehi upoko kia tautito atu tētahi pūrongo mō te moheni hītori, mō te moheni mātauranga matawhenua rānei. Anei te takotoranga me ētehi pātai kia āwhina te whakaotinga o tēnei wāhanga.
Te wehenga o Rangi rāua ko Papa
Mā ia akonga tētahi rārangi e pānui ā-waha. Kātahi ka pūtohutohu ngā ākonga kia tito ngeri mō te wehenga.
Ētehi ingoa atua
Tohutohua ngā ākonga kia whai rapuhia ēnei kupu o te upoko nei. E kore e taea te katoa o ngā kupu te whai rapu atu. Porohitatia ngā āhuatanga me ngā atua ka taea te whai rapu.
| Ngā āhuatanga | Ngā atua |
|---|---|
|
|
Ingoa upoko
| Ko te whakatakotoranga Kei hea ... ? Ko wai ... ? Nā wai ... ? Mō wai ... ? He pēhea? Ko ngā take me ngā tūranga mahi He aha te take nui? He aha ētehi atu take? Mō te mutunga He aha ngā hua i puta mai? Whakarāpopotongia ngā kaupapa me ngā take i te mutunga. |
