Te Wharekura 73 – Ngā uki a ngā Rauru Kiitahi
Ngā hono ki ētehi atu marautanga
Tikanga ā-Iwi
Te ahurea me te tuku ihotanga
Whāinga paetae
Taumata 5
Ka taea e te ākonga te whakaatu i ōna mōhiotanga me ōna māramatanga o ngā huarahi i whakawhanaketia ai, i puritia ai, i urutautia ai te tuakiri ahurea me te tuakiri ā-whenua, mā te whakamārama i te whakawhanaketanga, te pupuritanga, te urutaunga, te whakaaturanga o te tuakiri o te motu.
Taumata 7
Ka taea e te ākonga te whakaatu i ōna mōhiotanga me ōna māramatanga o ngā huarahi e taea ai e te takitahi, e te rōpū te whiwhi oranga i waenga o ngā ahurea, mā te tauira i ngā āhuatanga e neke ai te tangata mai i tētahi tūwāhi ahurea ki tētahi atu wāhi.
Te ao hurihuri
Whāinga paetae
Taumata 5
Ka taea e te ākonga te whakaatu i ōna mōhiotanga me ōna māramatanga o te whakaawenga o ngā tūāhua o mua, i ngā tūhono i roto i tētahi rōpū, i waenga rōpū, me te haere tonu o ēnei whakaawenga, mā te tāutu i ngā tūāhua o mua e noho motuhake ana ki ētahi tino hapori, tino iwi.
Taumata 6
Ka taea e te ākonga te whakaatu i ōna mōhiotanga me ōna māramatanga o te huarahi e rapu mōhio ai te tangata mō ngā mahi o mua me ngā huarahi o ētahi tino mahi me ētahi tino tirohanga i whakaatahia mai e ngā pūkete o mua, mā te whakamārama i ngā huarahi e taea ai te tiki atu ngā whakaaturanga o mua mā te huarahi o ngā tūmomo mātāpuna rerekē.
Taumata 8
Ka taea e te ākonga te whakaatu i ōna mōhiotanga me ōna māramatanga o ngā huarahi e whakaata ai ngā whakapono, ngā take me ngā tūāhua o nāianei i te panoni pāpori me te ukiuki, mā te tāutu i ngā pūnaha whakapono o nāianei, a ētahi tūmomo hapori, a ētahi ahurea, a ētahi whenua me te whakamārama hoki i te hiranga o ēnei.
Ka tūhonohono ngā upoko katoa o Te Wharekura 73 ki te marautanga o Tikanga ā-Iwi.
Ngā Toi
Ngā mahi a Te Rēhia – Mōhiotanga
Whāinga paetae
Kōeke 5
Ka whakaatu te ākonga i ōna māramatanga o te mokowā me te hangarau i roto i ngā tūmomo mahi a Te Rēhia.
Kōeke 6
Ka whakawhanake mōhio te ākonga mō tā te tinana me tā te reo whakatau, i roto i ngā horopaki o ngā tūmomo mahi a Te Rēhia.
Kōeke 7
Ka whakamātau te ākonga i ngā tūmomo mahi me ngā tukanga o Ngā mahi a Te Rēhia.
Ngā pūkenga
Kōeke 5
Kia taea e te ākonga te rangahau i ngā mokowā me ngā taputapu hangarau a ētahi atu ahurea.
Kōeke 6
Kia taea e te ākonga te arotake i ngā pūkenga whakamahia ai e te kaiwhakatau.
Kōeke 7
Kia taea e te ākonga te whakamahi i Ngā Mahi a Te Rēhia hei whakawhiti ariā.
