Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Wharekura Ministry of Education.

Mā te pouako navigation


Mō te oriori mā Tūteremoana

Hei Mahi 9

E hāngai ana te mahi whakarongo nei ki a Tāne te wānanga nō roto i te kōrero a Kua Rānea Aperehama i te whārangi 26 o Te Wharekura 87.

He horopaki mō te oriori nei:

I titoa e Tūhotoariki o Ngāi Tara te oriori nei mō tana irāmutu a Tūteremoana kia tohia ia ki ngā kaupapa matua mō tōna oranga. Kia tau pai ia ki tēnei ao hurihuri, kia pakari tana tū hei toa pakanga, ā, kia toa hoki ia ki te mahi kai hei oranga mā te iwi. Atu i ēnei, kia pupuri ia ki ngā akoranga a kui mā, a koro mā, ā, kia kaha ia ki te whakarongo me te aronui ki ngā kōrero tika o te whare wānanga.

Ka whakarongo ngā ākonga ki te oriori mō Tūteremoana e waiatatia ana hei huarahi e mau ai i a rātou ngā kupu nei. Ko tētahi wāhi i te Ipurangi e taea e te katoa te whakarongo atu ko http://maaori.com/whakapapa/ngakete3.htm. Ki te heke whakararo i te whārangi rā ka taea te reo o Tākuta Tāmati Reedy te rongo e waiata ana i ētahi o ngā kupu o te oriori nei.

He wāhanga o te oriori mō Tūteremoana o Ngāi Tara

“Whakarongo mai e tama. Kotahi tonu te hiringa i kake ai a Tāne ki Tikitiki-o-rangi; ko te hiringa i te mahara. Ka kitea i reira ko Io-matua-te-kore anake. I a ia te Toi-ariki, te Toi-uru-tapu, te Toi-uru-rangi, te Toi-uru-roa; Ka whakaputa Tāne i a ia ki te waitohi nā Pūhao-rangi, nā Oho-mai-rangi, te wai whakaata nā Hine-kau-orohia; kauorohia ngā Rangi-tūhāhā. Ka karangatia Tāne ki te paepae tapu i a Rēhua i te hiku mutu o te rangi; ka turuturu i konei te Tawhito-rangi te Tawhito-ūēnuku, te Tawhito-atua; ka rawe Tāne i te hiringa-matua, i te hiringa-taketake ki te ao mārama; ka waiho hei ara mō te tini e whakarauika nei, e tama, e i!"

He whakaaro atu anō

I te wā i taukumekumetia i te Whare Paremata te pire kia mutu te patu tamariki i ngā marama kua taha ake nei, i tīkina atu e ētahi mema o te rōpū tōrangapū Māori te kōrero mō Tūteremoana hei tauira o tā te Māori poipoi i te tamaiti, hei tauira hoki kāore te tamaiti Māori i patua kinotia i ngā rā o mua. Kei te Ipurangi hoki ērā pepa ki te hiahia te pouako kia pānuitia e ngā ākonga.

Te Marautanga o Aotearoa

Marautanga Te Reo Māori
Taumata 7

Ngā Āhuatanga o te Ākonga

Nā te whānui ake o te puna kupu ka kaha ake te tautoko, te whakawhitiwhiti māramatanga, te whakakotahi hei whakatau, hei whakaiti rānei. E whakamahi ana i ngā āhuatanga katoa o te reo me te tinana hei whakatau tika i ngā take, hei whakawhitiwhiti whakaaro, kare ā-roto me te mōhiohio. E takahuri ana i te reo mā te whakapārekareka, mā te kupu peha, mā te kupu huna.

Āheinga Reo Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro.

ā-Tinana

(whakarongo/mātakitaki)

1. Ka mārama ki te reo ā-tinana i ngā horopaki huhua, ahakoa ōpaki, ōkawa rānei.

He hononga o tēnei mahi ki NCEA

Te Reo Māori Taumata 1 Ā-roto

AS 90131 Whakarongo i te reo o tōna ao 6 whiwhinga

Ki runga ^


Ngā hononga

Ngā whakaputanga tā o 'Mā te Pouako'


Site map


Footer: