Mō ngā whetū tohu
Hei Mahi 2
Kei te whārangi 8 o Te Wharekura 87 ētahi kōrero mō tā Tāne-tokorangi mahi whakapaipai i tōna pāpā a Ranginui. Ko ētahi o ngā tino whetū ki a Ngāi Tātou te Māori, ko Puanga, ko Matariki, ko Takurua, ko Rehua ērā.
Ka rapua i te Ipurangi me te pukapuka Mā te Pouako mō te putanga Te Wharekura 79 hei rauemi āwhina. Kei ngā whārangi 8–15 o taua puka ētahi rauemi tāpiri he ingoa whetū Māori he māhere whetū i te rangi, me te maramataka Māori.
Kei http://www.astronomynz.org/ ngā ingoa Pākehā mō aua whetū. Ka rapua e ngā ākonga, ā, ka tuhi pēnei ki a rātou pukapuka tuhituhi.
a. Puanga __________________________________________
e. Matariki __________________________________________
i. Takurua __________________________________________
o. Rehua __________________________________________
Ka hoki anō ki te Ipurangi ki te rapu kōrero mō Matariki mō Puanga, mō Takurua, mō Rehua. Ka patohia e ngā ākonga ngā ingoa o ngā whetū ki te rapunga Google – ki te reo Māori, ki te reo Pākēhā rānei kia kitea ētahi mōhiohio e pā ana ki aua whetū. Ka whakamāoritia aua kōrero, ā, ka tuhi kōrero mō ia whetū.
Kua tuhi kōrero ki raro nei mō Matariki hei tauira. Engari, mā ngā ākonga tonu ētahi kōrero e rapu mō Matariki, mō Puanga, mō Takurua, mō Rehua hoki.
Matariki – Ka puta mai a Matariki i te marama o Pipiri (Hune). Koia ko te tīmatanga o te tau hou Māori. He kāhui whetū a Matariki. Ki ētahi kōrero, e whitu ngā whetū kei taua kāhui. Ko Matariki, Tipu-ā-nuku, Tipu-ā-rangi, Waitī, Waitā, Waipunarangi me Ururangi ō rātou ingoa. He wā putu kai, wā rokiroki kai hoki. He wā anō kia poroporoaki i ngā mate o te tau kua pahure, kia pōwhiringia ngā kaupapa hou mō te tau e tū mai nei.
Te Marautanga o Aotearoa
| Marautanga | Te Reo Māori |
| Taumata | 7 |
| Ngā Āhuatanga o te Ākonga Nā te whānui ake o te puna kupu ka kaha ake te tautoko, te whakawhitiwhiti māramatanga, te whakakotahi hei whakatau, hei whakaiti rānei. E whakamahi ana i ngā āhuatanga katoa o te reo me te tinana hei whakatau tika i ngā take, hei whakawhitiwhiti whakaaro, kare ā-roto me te mōhiohio. E takahuri ana i te reo mā te whakapārekareka, mā te kupu peha, mā te kupu huna. | |
| Puna Reo | Ka tipu haere tonu te puna kupu me ōna āhuatanga katoa. |
| ā-Tā | 2. Ka whānui ake te puna kupu e taea ai te tautoko, te whakawhitiwhiti māramatanga, te whakakotahi hei whakatau, hei whakaiti rānei. |
| Rautaki Reo
| Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai. |
| ā-Tā | 5. Ka torotoro, ka whakahiato, ka whakarite i ngā rautaki rangahau mai i te puna mōhio whānui. |
He hononga o tēnei mahi ki NCEA
Te Reo Rangatira Taumata 1 Ā-roto
AS 90803 putanga 1 āta hanga i tētahi tuhinga 4 whiwhinga.
