Mō ngā matatini o Tāne
Hei Mahi 5
He mahi ā-rōpū te mahi nei. Mō ia ākonga, he akoako ki te tū ki mua i ētahi atu ki te pānui ā-waha atu, ki te kōrero hoki i ōnā whakaaro mō tāna i pānui atu ai.
Ka noho ā-rōpū (tokoono pea ki ia rōpū) me ētahi kape o NgāMatatini o Tāne nā Kua Ranea Aperehama i tito mō Te Wharekura 87. Ka whiriwhiri ia ākonga kia 3 ngā whārangi hei pānuitanga māna. Me rerekē ngā whārangi kia kapia te pukapuka katoa.
Ka akoako ki te tū ki mua o te rōpū. Mā te kaiako e whakatauira atu i te momo tū e tika ana mō te tuku i te reo kia pai te rongo. Ka whakaatu hoki i te piki me te heke o te reo e hāngai pai ana ki tāna e pānui atu ai...
Ka whakaaro hoki ia ākonga mō te ngako me te kounga o tana kōrero, arā, Ko te tino ngako o te kōrero ..., Ko aku whakaaro ..., He pai ki a au te … nā te mea, … rānei.
Kātahi ka tū atu, tū mai ia ākonga ki mua i te rōpū ki te pānui-ā-waha atu i ana whārangi. Kia mutu tā ia ākonga pānuitanga atu, ka kōrero ki te rōpū – he aha ki a ia te tino ngako o ana whārangi.
Te Marautanga o Aotearoa
| Marautanga | Te Reo Māori |
| Taumata | 5 |
| Ngā Āhuatanga o te Ākonga Ka whakapuaki i ngā momo reo mō ngā horopaki ōkawa, ōpaki hoki. Ka haere tonu te whakapārekareka i te rere o te reo ki ngā āhuatanga Māori ake nei. He whaihua, he mārama āna tuhinga i ngā momo tuhinga huhua noa. | |
| Rautaki Reo | Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai. |
| ā-Waha (pānui/kōrero) | 4. Ka whakarite, ka whakamārama i tētahi kaupapa kia kitea ai te āhua o ngā momo kōrero Māori ake nei, ahakoa te Kaupapa. |
He hononga o tēnei mahi ki NCEA
Te Reo Māori Taumata 3 Ā-roto
AS 90543 putanga 2 Kōrero i te reo o te ao whānui
6 whiwhinga
