Te kākāpō
Kei te taha tonga o Te Waipounamu, mātotoru ana te tipu o te puihi. He puihi kei ngā tahataha o ngā maunga teitei, kei ngā kōawaawa hoki. Koinei te kāinga o tēnei manu o te kākāpō. He pō te wā puta mai o tēnei manu. Ko te pō tōna kākahu. Koinei i kiia ai he kākāpō. Torutoru noaiho ngā tāngata kua kite i tēnei manu, nā te mea torutoru noa iho ngā manu nei kei te toe. Ko te āhua o tēnei manu he rite ki te ruru. Ēngari he atuahua ake i te rūrū. Ko te kara o tōna kanohi he kara oneone, ko ngā kura o tōna tinana he kākāriki, he kōwhai, he kara oneone anō hoki. Kei te taha o tōna ihu he kura rōroa, pēnei i te pāhau o te poti nei.
Kāore tēnei manu e kaha ki te rere, ahakoa he parihau ōna. Ēngari he toa mō te piki rākau.
Ka noho te kākāpō ko ia anake i roto i te puihi. Kāore e noho rōpū, e noho hoa rānei. Ka tae mai te wā kimi hoa kua tīwaha kua karanga te kākāpō tāne;
Ngū-ngūngū-ngū-ngūngū
Nuku mai
Neke neke mai
Nuku mai kia tata
Neke mai kia tata
E te tau
Nuku nuku mai,
Ki au."
Kua tū te māhuna ki te titiro mō tana tau. Kāore i haere mai. Kua tau te māhuna, hua pupuhi i a ia kia rite ki te pōrō. Kua kaha ake te karanga o te reo.
Pū-pūpū-pū-pūpū!
Puta! Puta!
Puta te karanga
Ki a koe
E te tau.
Puta mai!
Puta mai!
I roto i te pō ka karanga tonu. Ēngari kāore he uwha e puta mai.
Ki ngā kōrero kāore anō kia kitea tētahi uwha kākāpō e ora tonu ana. Ka aroha hoki ki te whakarongo atu i te kākāpō e tangi ana. . . .
Ngū-ngūngū-ngū-ngūngū
Pū-pūpū-pū-pūpū.
Mahue pirata māku mai.