Māui
From Whakanuia, Whakamanatia Te Wharekura 2010.
Whārangi 1
Mai i Te Wharekura 32, i whakaputaina i te tau 1978, ngā kōrero e whai ake nei. E hāngai ana tenei korero ki te wā ka huri a Māui hei kererū, kātahi ka rere atu ia ki te kimi i tōna whānau.
Nā Hirini Melbourne ngā kōrero, he kaimahi ia i Te Pou Taki Kōrero i nga tau whitu tekau. Kāore a Hirini i oti ngā kōrero katoa o Māui, i te mea, i ngā tau whitu tekau tokoiti ngā kaiwhakahaere i āhei, i whakaae rānei kia pērā te āhua o ngā tuhinga kōmeke o roto i ngā pukapuka o Te Wharekura. Na tēnei aukatinga, e toru noa iho ngā putanga o ngā kōmeke. Arā, e rua ngā putanga o Māui me tētahi o Ngā Raruraru o Mihi.
Nā Dick Frizzell ngā pikitia. I te tau 1978 nā Dick Frizzell tāna ake whakaaturanga pikitia i whakatū, i tapaina taua whakaaturanga ko "Deadpan humour". Ināianei, ko ia tētahi o ngā kaitā pikitia rongonui rawa nō Aotearoa.
Ko Maui tēnei, he atua, he tangata, he tauira hoki nō te whare wānanga a Tamanui-ki-te-rangi. Kua pakeke ia ināianei. Ā tēnei rā, kua kitea tonā toa mō te mau patu. Ki te hinga a Tamanui i a ia, kua tutuki ngā tohutohu a Tamanui.
Whārangi 2
Ka tae a Māui ki te whenua ki te kimi i ōna mātua.
Ka kimi, ka kimi.... ā... ka pō. Kei te kimi tonu a Māui.
Ka roa, ka kite ia i ētahi tāngata e noho ana, e kōrerorero ana, Ka whakarongo ia...
Whārangi 3
TUĀKANA O MĀUI: I rongo au i to tātou māmā e kī ana, “Āe, nāku i porowhiu ki ngā ngaru o te moana.”
TUĀKANA O MĀUI: Nō reira kāore e mōhiotia pea i mate, i ora taua tama rā. Engari ki te ora taua tamaiti rā, he atua tonu atu.... HA - HA -
TUĀKANA O MĀUI: He aha tērā? Ko wai koe?
Ka puta mai a Māui....
TUĀKANA O MĀUI: He tangata noaiho rā koe!
MĀUI: Kaua e nuku!!
Ka titiro atu a Maui ki a rātou kāore e kōrero.
TUĀKANA O MĀUI: Ēhara i te tangata, he ruru kē. He ruru rere pō... HA - HA -
Whārangi 4
Ka rere ake tētahi o nga tama rā...
MĀUI: Kaua!
PAKO
KAU!
ANA
... Ka rere mai ko tētahi.
Kei raro rātou e putu ana
MĀUI: Whakarongo mai e hoa mā. Kei hea te wahine i kī rā, “Nāku i porowhiu ki ngā ngaru o te moana”. Ki te tika to kōrero ko ia anō tōku māmā e kimi nei au. Ko au te tama i pōhēhētia rā kua mate...
MĀUI: ... engari i ora mai anō, he atua, he tangata. Koinei rā au i ora mai ai. Engari i kata koutou. Āhaha... e kore atu anō...
Ka kore a Māui, ka pōhēhē ngā tuākana...
Kāore i roa ka puta mai anō a Māui. E mataku tonu ana ōna tuākana. Ka kōrero atu ia, ka whakapono rātou koinei tō rātou teina...
Whārangi 5
Ka tangi rātou kia rātou...
TE MĀMĀ O MĀUI: E kare mā?
Ka wheroa pō e te karanga a te wahine!
TUAKANA O MĀUI: Ko wai...?
TUAKANA O MĀUI 2: Ko te whāea tēra...
TE MĀMĀ O MĀUI: Hoki mai rā ki te moe!
TUAKANA O MĀUI: Ki te tika tō kōrero, koakoa ana to tātou whaea!
Ka uru ki roto i te whare...
TE MĀMĀ O MĀUI: Te makariri ai ka noho atu ki waho rā...
TUAKANA O MĀUI: E Mā, titiro mai!
Whārangi 6
TE MĀMĀ O MĀUI: Tēnā koe!
MĀUI: Tēna koe!
TE MĀMĀ O MĀUI: He hoa koe nō aku tama?
MĀUI: Kāo...
TE MĀMĀ O MĀUI: Nō hea koe?
MĀUI: Nō ngā hau e pā nei ki tō kiri.
TE MĀMĀ O MĀUI: He tangata ako koe nā ngā korua?
MĀUI: Āe, nā Tamanui.
TE MĀMĀ O MĀUI: Aue! He tohu, he tohu, he tohu o aku moemoeā...
MĀUI: Āe rā. Ko au ia i makaia nei ki te moana ka ora mai anō...
TE MĀMĀ O MĀUI: I tere atu koe i te moana e maemae ana te kini a te aroha a te pōuri i roto i ahau e!
TE MĀMĀ O MĀUI: Anei tō tuahine!
TE MĀMĀ O MĀUI: E ihu i tōku waiora kia pā ai ō taāua ngutu hei tohi i a koe, Māui Tikitiki-a-Tāranga.
I tēnā ka noho tahi rātou ko te whaea, ko ngā tuākana, me te tuahine o Māui. I roto i te pō ka kōrero, kātahi ka moe. He aha ka whai ake i te ata....?