Ētahi waiata
Whakarongo ki te huia
Whakarongo ake au
Ki te tangi a te huia . . .
Huia! Huaia! Huihuia mai tātau . . .
Whakarongo ake au
Ki te tangi a te tui,
Tui! Tui! Tuituia.
Tuia i runga
Tuia i raro
Tuia te hono tangata
Ki te tangata . . .
Ka tangi te tītī
Ka tangi te pīpīwharauroa
Ka tangi au e ...
He waiata mō te kererū
Nā Hirini
Whū
Whū
Whū
Titi tū tau ki runga rau peka.
Kai, kai,
Kai, kai.
Miro, miro
Mōti e.
(Kū-kū-kū-kū-kū)
Porepore whati whati
Taka taka tū pā oneone e.
Te whare hihi
Nā Moana Riini
Tū mokemoke nei au
I te matamata o te whenua.
Hāngai tonu taku mata
Te moana nui a Kiwa.
Kei muri i taku tuarā
Ko Papa-tū-ā-nuku
Te Wao nui a Tāne
E pae nei i te whenua nui.
Tēnei aku hihi e mārama nei
E toro atu rā ki pāmamao.
Hei tohu ki ngā waka
Hei ārahi i ngā kaipuke
Kei riri noa te moana
Kei kino ko ngā ngaru
Ka riro ki ngā toka
Auē! Ka aituā.
Mārama e aku hihi
Tiaho i ngā pō
Ahakoa te whatitiri
Ahakoa te tetere
Ahakoa te mokemoke
Mārama e āku hihi.
Kia mārama tonu
Arahina ngā kaipuke
Arahina ki te wahapū
Arahina ki te marumaru
O Papa-tu-ā-nuku.
He wāhi noho
Hiahia noho au
Ki te taha o te tai
He kūtai,
He tio,
He ika te kai,
Whiti ake,
Tō iho,
Te rā e.
Rimu
Rimu, rimu, tere, tere,
Tere ana ki te moana
E ahu ana ki te ripo
I raro ra e.
Ngā ngaru
Ka aki ngā ngaru ki ngā toka
Papaki ana!
Pahū ana!
Ko te toka ka tū
Ko te ngaru ka marara ki runga.
Ko au anake rā i mahue nei, e. . . .
. . . Hai titiro noa atu ki waho rā, e.
He waka hēra e rere atu rā
Whakatika rawa ake ki runga rā, e,
Ka momotu ki tawhiti.
Mā wai ia rā e whai atu.
E timu rā koe e te tai nei
Rere oma tere ki waho rā
Mitia ana e koe te one