Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


Te pakarutanga o te Terawea

Marautanga Te Reo Māori

Taumata: 4

Ngā Āhuatanga o te Ākonga

He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te kōrero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.

Kua whakamātau ki te pānui i ngā momo tuhinga maha nā te rahi haere o te puna pūkenga pānui.

Āheinga Reo

Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro.

ā-Tā:

1. Ka mārama ki ngā rerekētanga o tā te kaipānui titiro i ā te kaituhi, kaitā rānei.
2. Ka tīpako i ngā āhuatanga o ngā momo reo tuhi hei whakaniko i ngā tuhinga pono me ngā tuhinga auaha.

Rautaki Reo

Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai.

ā-Tā:

5. Ka whakamahi i ētahi rautaki rangahau mō te huhua o ngā take.
6. Ka tukatuka, ka whakahāngai i ngā mōhiohio.

Marautanga Te Reo Māori

Taumata: 5

Ngā Āhuatanga o te Ākonga

Ka whakapuaki i ngā momo reo mō ngā horopaki ōkawa, ōpaki hoki. Ka haere tonu te whakapārekareka i te rere o te reo ki ngā āhuatanga Māori ake nei. He whaihua, he mārama āna tuhinga i ngā momo tuhinga huhua noa.

Āheinga Reo

Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro.

ā-Tā:

1. Ka tautohu, ka arohaehae i ngā āhuatanga ake me ngā tikanga mahi o ētahi momo reo tuhi, reo ataata o tēnā o tēnā kaituhi, kaitā rānei.

Rautaki Reo

Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai.

ā-Tā:

3. Ka whaihua āna rautaki rangahau, ka tika hoki tana whakamahi i ngā rauemi rangahau.

Hei Mahi

Me pānui ngā ākonga i te paki Te Pakarutanga o Te Terawea. Mā ngā ākonga e waihanga mai ā rātou ake pakiwaituhi e pā ana ki tētahi kōrero pono o tētahi mahi hautipua i te wā o uki. E taea te mahi ā-rōpū , ā-takitahi rānei.

Me rangahau e te ākonga te taunga o te tangata, ngā tāngata rānei i tū hei toa hautipua. Me whakahāngai mai i ngā ākonga ki te tikanga o te pakiwaituhi. He kōrero nui, otirā, ko ngā tuhituhinga ko ngā kupu ake o te tangata, kāti he iti noa ake te tuhituhinga whakamārama. Ka taea te ākonga te āwhina mā te kohi tauira mai o ētahi atu puka-pakiwaituhi hei tirotiro māna.

Waihangatia mai he pakiwaituhi e pā ana ki tōu ake wahine toa hautipua. Hei mahi tuarua tēnei whai muri iho i ngā mahi o te wāhanga tuatahi. Ina oti te pakiwaituhi te pānui, me whakarōpū ngā ākonga hei ope mahi hoahoa, mahi hanga pakiwaituhi, pēnei i tēnei kātahi anō rātou ka kite.

Me mōhio ngā ākonga ki ngā ara whāinga mō te mahi waihanga pakiwaituhi, arā:

  • Me pūmau rawa te tatū o te whakaaro.
  • Me whai papa tauira mō tō kaupapa.
  • Me whatawhata, me whakariterite i ngā wāhanga pakiwaituhi (ngā whakaahua, me te wāhanga reo kōrero).
  • Me anganui, me angaiti rānei te tirohanga o te whakaahua.
  • Me whai wāhi ngā kupu ā-māngai, ā-waha rānei.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: