Hupa rapi i Te Kura Māori o Porirua
Marautanga Te Reo Māori
Taumata: 4
Ngā Āhuatanga o te Ākonga
He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te korero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.
Kua whakamātau ki te pānui i ngā momo tuhinga maha nā te rahi haere o te puna pūkenga pānui.
| Āheinga Reo | Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro. |
|---|---|
| ā-Tā: |
2. Ka tīpako i ngā āhutanga o ngā momo reo tuhi hei whakaniko i ngā tuhinga pono me ngā tuhinga auaha. 3. Ka whai whakaaro ake ki te pūtake o te tuhituhi me te kaipānui. |
Hei Mahi
Pānui tahitia me ō ākonga ngā uiui me te tīpako i ngā kupu tauhou, uaua rānei. Me whakamārama ake i te tikanga o te pātai tuwhera me te pātai kōpani (kati). E whā ngā tino mahi hei whāinga, hei whakaoti mā ngā ākonga.
- Me pohewa te ākonga he hautipua nei ia – me rapu, me kimi ingoa, tau, wāhi noho, ōna pūmanawa, ātahu matarau motuhake, ahurei rānei. He aha atu ētahi pūmanawa ahurei e hautipua ai?
- Me āta whakaaro mai tētahi mahi hautipua kua oti i a ia. He aha i oti nei? Nā te aha i taea ai? He aha nei ngā tino pūmanawa ahurei i taea ai ngā mahi hautipua?
- Me takirua te mahi a te akomanga – ko tētahi hei kaiuiui, ko tētahi hei toa hautipua. Me oti i te kaiuiui ngā patapatai me ngā whakautu katoa te tuhituhi i te wā uiui.
- I te wā e oti ai i ngā ākonga ngā mahi e rua o te kaiuiui me te toa hautipua, ka whakamahia e rāua ngā whakautu o te uiui hei tuhinga mō roto o te niupepa.
