Kei te mōhio rānei koe?
Marautanga Te Reo Māori
Taumata: 4
Ngā Āhuatanga o te Ākonga
He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te kōrero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.
Kua whakamātau ki te pānui i ngā momo tuhinga maha nā te rahi haere o te puna pūkenga pānui.
| Āheinga Reo | Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro. |
|---|---|
| ā-Waha: |
1. Ka whakatairite, ka tohutohu, ahakoa te horopaki, i ētahi kaupapa ōpaki, ōkawa rānei. 2. Ka whakapuaki patapatai hāngai tonu, kōrero whakamārama, tautohetohe rānei kia putaai te reo hīkaro, te reo whakamana hoki. |
| Rautaki Reo | Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai. |
| ā-Tā: | 5. Ka whakamahi i ētahi rautaki rangahau mō te huhua o ngā take. |
Hei Mahi
Me whakamahi ngā mahukitanga me ngā whakamārama o te kōrero nei, tuhia tētahi panga mā te akomanga.
Me whakamōhio mārika ki te akomanga kei a rātou tëtahi wiki hei pānui i te wāhanga Kei te Mōhio Rānei Koe?, tā te mea he whakamātautau panga kei te haere ā te paunga o te wiki, otirā, nō reira kē mai ngā whakautu. Hei te rā tonu o te whakamātautau me wehe te akomanga kia takirua kia takiwhā rānei ngā rōpū , ka tohatoha haere i ngā pepa me ngā pene. Kotahi meneti noa iho te roa hei whakautu pātai mai. Anei ētahi pātai hei kōkiri:
- Tuhia kia rima ngā ingoa rerekē mō Tāne-mahuta.
- Whakakīa ngā wāhi wātea (āputa) ki te whakataukī nei: “Ka mahi te mea i tohia ki te ___ o __ ______, ka mahi te tawa uho ki te ___.”
- He aha ngā ingoa kē e toru mō te kete tuauri, kete tuatea, kete aronui, i riro mai i a Tāne i te rangi?
- I piki a Tāwhaki i ngā rangi ki te kimi i a wai?
- He aha te tikanga o tēnei whakataukī: “Rangitihi upoko i tākaia ki te akatea”?
- Nā wai te kī, “E, kia whakatāne ake au i ahau.”
- He aha te ingoa o te toki a Rata?
- I wehe pēhea nei a Tāne i ōna mātua?
