Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


Hokinga Mahara

Marautanga Te Reo Māori

Taumata: 4

Ngā Āhuatanga o te Ākonga

He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te korero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.

Kua whakamātau ki te pānui i ngā momo tuhinga maha nā te rahi haere o te puna pūkenga pānui.

Āheinga Reo

Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro.

ā-Waha:

1. Ka whakatairite, ka tohutohu, ahakoa te horopaki, i ētahi kaupapa ōpaki, ōkawa rānei.
2. Ka whakapuaki patapatai hāngai tonu, kōrero whakamārama, tautohetohe rānei kia puta ai te reo hīkaro, te reo whakamana hoki.

Rautaki Reo

Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai.

ā-Tā:

5. Ka whakamahi i ētahi rautaki rangahau mō te huhua o ngā take.

Hei Mahi

Mā ngā ākonga te paki Hokinga Mahara e āta pānui ki a rātou anō. Me poto te wā hei pānui, kātahi ka tono i a rātou, me whāki mai tētahi kōrero whakarāpopoto o te pakiwaitara nei.

Me pānui anō ngā ākonga i te kōrero nei, kātahi ka kimi atu i ngā whakautu mō ngā pātai e whai ake nei:

  • Nōnāhea ngā mahi o tēnei pūrākau i mahia ai?
  • He momo manu aha i tāhaetia e rāua mai i te pāmu?
  • I ahatia i te wā i whakakīkī i ō rāua pūkoro?
  • I ahatia ngā hēki, ā, nā te aha ai?
  • Ka whakatau pēhea rāua i tō rāua puta rere?
  • Nā te aha rāua i tāhae ai i ngā manu me ngā hēki?
  • Ka pēhea nei koe mehemea ko koe tērā?

Mā te kaiako/pouako ngā pātai e taki uiui atu anō, heoi, kotahi meneti mā te ākonga hei kimi mai i te whakautu.

Kupu: Ahakoa kāhore e tika ana kia tāhae noa te tangata, heoi, he ao anō te wā pakanga. Tērā pea me korero mō te hōhonutanga o ngā tikanga pakanga i te wā e kainga pautia tētahi whenua e te mura o te ahi.

Ka mutu, ka pātai ake te pouako mehemea he kupu tauhou, rerenga kōrero tauhou rānei kāhore e mārama pea ki a rātou, me rapu mai i roto i te papa kupu. Me wetewete, wānanga hoki i ōna tikanga. Me akiaki te ākonga ki te whakamahi i aua kupu hou, rerenga hou rānei ki wāhi kē, ki horopaki kē.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: