Te uku tārai Rapita
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Kōrero (Whakarongo) (Kōeke 4–5)
- Ahakoa te horopaki e whai hua ana te whai wāhi atu a te ākonga ki ngā whiriwhiri; ka taea anō hoki te whakaputa whakaaro, te whiu pātai me te mārama anō ki ngā hiahia o te hunga whakarongo mai. (Kōeke 4)
- Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. (Kōeke 5)
Ka taea hoki e te pouako te whakamahi i ēnei kōrero e pā ana ki te kōrero, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 39–40
- Ngā whārangi whakamārama i te kawenga me ngā whai wāhitanga aromatawai, whārangi 69–70
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
Ka whakaaturia tana mōhiotanga, inā:
- te tārai uku Rapita.
- i takea mai te iwi Rapita i whea?
Hei mahi
Ka kōrerorero ā-rōpū i ngā tukanga tērā ka whāia: Kua tae koe ki whenua kē, ka hura mai koe i tētahi taonga tawhito rawa nō reira. Me aha koe? Mā ia rōpū e whiriwhiri he aha ngā tukanga ka whāia ki te whakaora, ki te tohu, ki te tiaki tika nei i aua taonga tawhito. (Kōrero, kōeke 4)
Ngā hono ki ētahi atu marautanga
Hangarau i roto i te Marautanga o Aotearoa
Whenu: Ngā Toi Māori – Hangarau ā-Iwi (Taumata 1–2)
Ka whakahaere patapatainga e te ākonga i waenga i ōna mātua, kaumātua, kuia hoki, kia kitea ai he aha ētahi āhuatanga toi i kawea mai ai e te iwi Māori ki Aotearoa nei. Āti, ka whakarite ngā ākonga kia toro rātou i tētahi ringa toi o ēnei rā, arā, te tārai uku o nāianei, kia mārama ai ngā ākonga ki te tikanga o te tārai uku.
Whenu: Ngā Toi Māori – Mātauranga Hangarau (Taumata 1–2)
Ka mahi ā-rōpū ngā ākonga ki te rangahau i te tārainga uku Rapita. Ka whakatauritea ngā tukanga nō mua noa atu ki ngā tukanga mahi tārai uku o ēnei rā.
He whakataukī
He ngenge kē anō te ngenge o te haerenga.
