Te moko pītau-ira me ō tātou tīpuna
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Whakarongo (Kōrero) (Kōeke 4–5)
- Mā te āta whakarongo ka taea e te ākonga te kōrero te whai. (Kōeke 4)
- Ka mārama ki te ākonga te whānuitanga o ngā kōrero i te huhua noa o ngā horopaki ngahau, me ngā horopaki ako. (Kōeke 5)
Ka taea hoki e te pouako te whakamahi i ēnei kōrero e pā ana ki te whakarongo, kōeke 4–5:
- He whakaahua whānui, whārangi 25–26
- He tirohanga whānuitanga: Reo torohū, whārangi 35–36
- Ngā whārangi whakamārama i te kawenga me ngā whai wāhitanga aromatawai, whārangi 61–62
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
- Ka whakaaturia tana tohungatanga, tana māramatanga ki ngā ariā matua o te pītau-ira.
- Ka whakaaturia tana tohungatanga ki te whai i ngā horopaki kāore e tino taunga ana ki te ākonga.
Hei mahi
Ka whakarongo te ākonga ki ētahi kōrero āhua uaua mō te pītau-ira. Ahakoa tana kore mārama ki te nuinga o te kōrero, ko tāna he tāutu i te tūmomo kōrero, arā, he tohutohu, he kauhau, he aha kē atu rānei. (Whakarongo, kōeke 4)
Ka āta whakarongo te ākonga ki ngā tohutohu a te kaiwhakaako kia tutuki pai ai ōna whāinga mō te pītau-ira. (Whakarongo, kōeke 4)
Mā te kaiwhakaako e pānui kōrero hei whakamārama ki ngā ākonga i te takinga o te pītau-ira. Mā te ākonga e whakarāpopoto ngā kōrero, mā te ākonga hoki e whakarārangi ngā ariā matua. (Whakarongo, kōeke 5)
Ngā hono ki ētahi atu marautanga
Pūtaiao i roto i te Marautanga o Aotearoa
Whenu: Ō Mataora – Te Weu (Taumata 3)
Tūhura ngā āhuatanga motuhake o tōu whānau (pēnei i te tae o ngā karu, te tae o te kiri, me te hanga o te tinana).
Whenu: Ō Mataora – Te Aka (Taumata 4)
Tūhura me te whakamārama ngā āhua motuhake o tōu whānau ka whai oranga ngā whakatipuranga. Tūhura me te whakamārama i ngā tauira maha o tētahi āhuatanga i roto i tētahi momo (pēnei i te huruhuru ngeru, i te huruhuru manu, i te tapumati, i te āhua rau).
He whakataukī
Kotahi tonu te matua o te tangata Māori, ko Ranginui e tū nei, ko Papatūānuku e takoto nei.
