Mahinga pūtaiao
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Pānui (Tuhituhi) (Kōeke 4–5)
- Ahakoa he aha te tūmomo tuhinga, e tino mātau atu ana te ākonga ki tāna i pānui ai, e taea ana hoki e ia te āta tātari. Ka whakapakari anō hoki ia i tōna āhei ki te arotake i te whai hua o āna tuhituhinga. (Kōeke 4)
- Me tōrino te pānui a te ākonga, me tātari anō i tāna i pānui mai ai i ngā marau o te kura hei tāutu i ngā waiaro, i ngā uara, i ngā pūtake o te kaituhi. (Kōeke 5)
Ka taea hoki e te pouako te whakamahi i ēnei kōrero e pā ana ki te pānui, kōeke 4–5:
- He whakaahua whānui, whārangi 25–26
- He tirohanga whānuitanga: Reo torohū, whārangi 43–44
- Ngā whārangi whakamārama i te kawenga me ngā whai wāhitanga aromatawai, whārangi 78–80
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
- Tāutu i te ariā matua o te wāhanga kua whiriwhiria e te ākonga, me te whakarārangi anō i ngā kōrero o taua wāhanga e whakaū nei i tāna i tāutu ai.
- Whakamārama i te tikanga o tēnei mea, o te 'tātai waro'.
Hei mahi
Mā te pouako e whakarite ētahi pātai mō te tātai waro hei rangahau mā te ākonga mai i ngā kōrero whakatara o te whare pukapuka. Māna hoki e whakarite te roa o te wā e oti katoa ai tēnei mahi. (Pānui, kōeke 4).
Ka pānui te ākonga i tētahi pukapuka mō te kaupapa o te tātai waro. Me whakaatu atu ki ōna hoa i ōna whakaaro ki taua pukapuka, ā, he aha ōna whakaaro i pērā ai. Me pānui ā-waha atu tētahi wāhanga o te pukapuka hei whakamārama atu i āna kōrero. (Pānui, kōeke 5).
Ngā hono ki ētahi atu marautanga
Pūtaiao i roto i te Marautanga o Aotearoa
Whenu: Ō Kawekawe – Te Waonui (Taumata 6)
Tūhura me te whakarite i ngā āhuatanga ōkiko, i ngā āhuatanga matū o te rōpū matū motuhake ki ngā mahi tātai waro.
Mōhio ki ngā tikanga e pā ana ki ngā tukanga matū o te tātai waro (pēnei i ngā tikanga e pā ana ki te pāpātanga o te tauhohenga matū).
Kia mataara!
I tēnei taumata e tika kē ana kia tīmata te ākonga ki te whai whakaaro ki ngā hononga matū.
He whakataukī
Whaowhia te kete mātauranga.
He whakamārama: He kupu whakaawe tēnei i te hiranga o te mātauranga.
