Te Moananui ā-Kiwa
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Whakarongo (Kōrero) (Kōeke 4–5)
- Ahakoa te horopaki e whai hua ana te whai wāhi atu a te ākonga ki ngā whiriwhiri; ka taea anō hoki te whakaputa whakaaro, te whiu pātai me te mārama anō ki ngā hiahia o te hunga whakarongo mai. (Kōeke 4)
- Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. (Kōeke 5)
Ka taea hoki e te pouako te whakamahi i ēnei kōrero e pā ana ki te kōrero, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 39–40
- Ngā whārangi whakamārama i te kawenga me ngā whai wāhitanga aromatawai, whārangi 69–70
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
- Whakaraupapa i ōna whakaaro mō Te Moananui-a-Kiwa.
- Āta whakamārama ā-waha i ngā āhuatanga o ngā momo moutere e toru, me ngā matau o Te Moananui-a-Kiwa.
- Ko ngā iwi tuatahi me ngā ahurea tuatahi o Te Moananui-a-Kiwa.
Hei mahi
Ka whiriwhirihia e te ākonga tētahi wāhanga o Te Moananui-a-Kiwa, hei kaupapa kōrero māna ki tētahi rōpū iti, arā, ko Te Moananui-a-Kiwa Pātata, ko Te Moananui-a-Kiwa Mamao rānei. Ka kōrero ai i ngā ōritenga me ngā rerekētanga o te ahurea, tikanga ā-iwi, me te reo, ki ō te ao Māori. Ko tēnā ākonga, ko tēnā ākonga ka tū hei kaiwhakaako. (Kōrero, kōeke 5)
Ngā hono ki tētahi atu marautanga
Tikanga ā-Iwi i roto i te Marautanga o Aotearoa
Whenu: Te Whakaritenga Pāpori (Taumata 4)
Ka taea e te ākonga te whakaatu i ōna mōhiotanga me ōna māramatanga o te whakaritenga a te tangata i a ia anō, hei urupare ki te mātātaki, ki te mōrearea, mā te whakamārama pēhea ai te mahi ngātahi a te rōpū, a te takitahi, ki te whakatau i ngā mātātaki me ngā mōrearea (hei tauira: te wetewetenga a ngā iwi taketake i ngā tāmitanga a te iwi matua mā roto i Te Moananui-a-Kiwa).
Whenu: Te Ahurea me te Tuku Ihotanga (Taumata 4)
Ka taea e te ākonga te whakaatu i ōna mōhiotanga me ōna māramatanga o te rerekētanga o ngā mahi a ngā rōpū ahurea, ahakoa e whakaata tonu ana ēnei i ētahi pūtake ōrite, mā te whakaahua pēhea ai te whakaata a ngā mahi ahurea i te tikanga ā-iwi (hei tauira: te whakamahi matau tawhito, ngā reo rerenga kētanga, ngā wāhi taketake o te takitahi, o ngā iwi rānei, e waihanga ana i ngā mahi ahurea o mua, o nāianei).
He whakataukī
Te Moananui-a-Kiwa; Tiritiri o te moana.
He whakamārama: Ko Kiwa te kaitiaki o te moana; he kupu tēnei nā Kupe e whakaahua ana i te wāhi moana kei reira nei a Aotearoa.
