He aha te take i wehe atu rātou?
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Whakaatu (Mātakitaki) (Kōeke 4–5)
- Ka whakaatu te ākonga i te reo ataata i ngā horopaki huhua, ā, e hāngai ana te whakaaturanga ki te kaimātakitaki. (Kōeke 4)
- Ka taea e te ākonga te whakamahi te huhua o ngā āhuatanga reo ataata hei whakawhiti whakaaro. (Kōeke 5)
Ka taea hoki e te pouako te whakamahi i ēnei kōrero e pā ana ki te whakaatu, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 55–56
- Ngā whārangi whakamārama i te kawenga me ngā whai wāhitanga aro matawai, whārangi 69–70
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aro matawai
- Whakaatu reo ataata e hāngai ana ki te kaupapa, 'He aha te take i wehe atu rātou?'
- Whakamahi i ngā āhuatanga reo ataata hei whakaniko i te kōrero.
Hei mahi
Ka tuhi pakiwaitara e te ākonga mō tētahi iwi ka wehe nei i tō rātou whenua tupu, ka kimi kāinga hou mō rātou, anō nei ko te ākonga tētahi e wehe atu ana. (Whakaatu, kōeke 4)
Ngā hono ki ētahi atu marautanga
Ngā Toi i roto i te Marautanga o Aotearoa
Whenu: Toi Puoro – Tūhura, Mahi, Mōhiotanga (Kōeke 1–4)
Ka tito waiata e te ākonga mō tētahi iwi ka wehe nei i tō rātou whenua tupu, ka kimi kāinga hou mō rātou, anō nei ko te ākonga tētahi e wehe atu ana.
He whakataukī
Ka mate kāinga tahi, ka ora kāinga rua.
He whakamārama: Arā, nā te pakanga, nā te mate kai pea ka mate te kāinga tuatahi o tētahi iwi, nā, ka whakaarotia ki tētahi kāinga hou.
