Tihe mauri tū ...
Nā Hirini Melbourne
Anei au te tangata e tū whakamīharo ake nei ki ngā rongo o te ao. Me pēhea rā taku whakaputa i ōku rongo? Kai roto ko ngā pūkahukahu, te nohonga o te hau o Tāwhirimātea. Whakaputahia ake i te waha, i te ihu hoki. Tēnei ko taku ate, ko taku uma, te whare o te aroha hai whakaata ake te ngū o taku wairua e. Tēnei ko ōku ringa hai kapu i ngā taonga pūoro i waihangahia mai e ō tātau mātua tīpuna. Anei hoki ko ōku ngutu hai whakapā ki nga ngutu o ngā taonga pūoro, kia rarongoa ai anō ō rātau reo ki te ao tūroa.
Tihe mauri ora!