Te tīni wīra motokā
Auē! Taukuri e! Te hōhā hoki!
Kua tū kē te taea o tō tātou motokā!
Kua kore hau kē!
Me tīni ināianei tonu!
Mehemea ka pēnei te wīra o tōu motokā kaua rawa e taraiwa tonu. Nā te aha hoki?
Me kukume te perēki o te motokā, me mea atu hoki he poro rākau ki tētahi o ngā wīra. He aha te take mō tēnei? Me tango mai te wīra pai ināianei.
Kua tangohia te taupoki-wīra, ā, me whakatanga- tanga ngā nati ināianei.Hei muri rawa ka hiki ai i te motokā. Nā te aha i pēnei ai?
Ka hikitia te motokā mā te tieke. Kei te riri te kaimahi o te tieke. Nā te aha?
Kei te tangohia ngā nati o te wīra. Ka whakatakotoria ki te taupoki-wīra kia kore ai e ngaro. I muri iho ka tango mai te wīra mate.
Me whakamau te wīra ora ināianei.
Kātahi ka whakamau i ngā nati mā te ringa anake. He aha i kīa ai, mā te ringa anake, i tēnei wā?
Tukuna te motokā ki raro. Kātahi anō ka whakamau i ngā nati mā te perehi wīra, kia mārō tonu. Me whai i ngā whika e whakaaturia mai rā.
Oti kau ana te tīni i te wīra mate, mauria ki te karāti kia whakaoratia e ngā tohunga nā rātou nei tēnei mahi.