He Huarahi Ako
Teaching Method
He Whāinga Ako (Teaching Purposes)
Kia tautoko i ngā ākonga ki te:
- whakawhānui i ō rātou mōhiotanga mō te imi Moriori
- whakapakari i tō rātou āheinga ki te whai i tētahi tukanga tūhuratanga
- kōrero mō te hītori o te imi Moriori me te āhua o tō rātou noho ināianei
- tautohu i ngā momo āhuatanga reo o ngā kōrero taki
- whakawhānui i ō rātou rautaki pānui pukapuka kia taea ai e rātou te patapatai me te whakamārama i te take o te kaituhi.
To support students to:
- develop their knowledge about the Moriori people
- develop their ability to follow an inquiry process
- describe the history of the Moriori people and their situation today
- identify language features of recount texts
- develop comprehension strategies to ask questions, to infer, and to identify the authors’ purpose and point of view.
He Horopaki Ako (Contexts for Learning)
Anei ētahi whakaaro mō ngā horopaki ako, ko:
- te imi Moriori
- ngā tikanga rongomau o te ao
- ngā kerēme a te Rōpū Whakamana i te Tiriti o Waitangi.
Contexts for learning could include:
- the Moriori people
- doctrines of peace from around the world
- Waitangi Tribunal claims.
He Ngohe (Learning Activities)
Anei ētahi ngohe e hāngai ana ki ngā kōrero katoa o roto o Te Wharekura 88, ka taea e te pouako te whakamahi kia tutuki ai ngā whāinga whakaako me ngā whāinga ako. Ka taea anō e te pouako te rāwekeweke ēnei whakaaro kia hāngai ake ki ngā whāinga ako me ngā hiahia o ngā ākonga.
Here are some ideas for learning activities which may be used in connection with all the stories in Te Wharekura 88 that teachers can use to help achieve their teaching objectives. These ideas can be adapted as required to suit the learning objectives and needs of the students.
