Ngā tokorua
He tokorua e hīkoi ana i te rori. I a rāua e hīkoi ana, ka kitea e tētahi he toki e takoto ana i te taha o te rori. "Titiro, kua kitea e au he toki!" Ka whakahoki tōna hoa. "Kaua hoki e pēnā. Me kī kē koe, 'Kua kitea e tāua he toki.' Tāua, tāua."
Ka hīkoi haere tonu ngā tokorua nei, tautohetohe ana mō tā rāua toki. Nāwai rā, ka haere mai te tangata nāna ake te toki rā. Ka kimi a ia i tāna toki. Kāore e kitea e ia. Kātahi, ka titiro ia ki te rori, ā, ka kite atu ia i ngā tokorua rā me tāna toki. Ka oma atu ia ki te whai. "E hoa mā! Kia tere tā kōrua tū." Ka huri mai ngā tokorua rā ka kite i te tangata pukuriri e whai mai ana i a rāua. Ka kī te mea o ngā tokorua nānā rā i kite te toki, "Ai! Kua raruraru tāua." Tere tonu te whakahoki a tōna hoa, "E, kaua e kī, 'Kua raruraru Tāua.' Me kī kē koe, 'Kua raruraru au.' Kāore hoki koe i ki, 'Nā tāua tēnei toki.' Nōreira, kāore nō tāua te raruraru."
Hei mahi
- He aha te tikanga o ngā kōrero nei, 'tāua, tāua'; 'tātau, tātau', ki te titiro a te Māori?
- Ki ō whakaaro he tino kino ngā tokorua nei, kāore rānei? He aha ngā kaupapa mō ō whakaaro?