Te waka o Tama-rereti
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–3)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi ēnei kōrero e pā ana ki te tuhituhi, kōeke 1–3:
- He tirohanga whānui, whārangi 24–25
- Ngā pūkenga tuhituhi, kōeke 1–3, whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- ko te āhua o tōna waka tere moana
- āna hāereere, āna pōkaitanga i ngā moana nui
- te whakarite i te waka hei kawe i te kaupapa
- ko te tohutohu i mahue mai ki te ao tangata, arā, 'kia āta haere'
- te hononga ki te orokohanga o te ao Māori
Ko ētahi mahi ka taea
Ka tuhi ruri, mōteatea, kōrero auaha rānei te ākonga e pā ana ki a Tama-rereti me tōna waka. (Tuhituhi, kōeke 1)
Ka tuhi kōrero poto te ākonga mō te waka hourua e whakaahua ana i ngā wāhanga katoa o tēnei momo waka. (Tuhituhi, kōeke 2–3)
Ka whakatakoto pūrongo ā-tuhi, ā-waha hoki e pā ana ki ēnei kaupapa. (Tuhituhi, kōeke 2–3)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Ataata
Whenu: Tūhura, Mahi, Mōhiotanga (Kōeke 1–3)
Ka tuhi hoahoa te ākonga me te whakaingoa i ngā wahanga o te waka hourua.
He whakataukī
Mate i te tamaiti he aurukōwhao; mate i te wāhine, takerehaia;
Whakamārama: he rite te matenga o te tamaiti, ki te waka whai kōhao iti e pipi mai ana te wai, e kore e totohu; engari ka mate ko te wāhine, he rite ki te waka kua haea te takere, ka totohu, mā wai e kawe te ira tangata.
