Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


Kia tere parāoa parai mā!

Ētahi whāinga paetae e hāngai ana

Te Reo Māori i roto i te Marautanga o Aotearoa

Ko te whenu 1.2 Tuhituhi ki te reo o tōna ao (Kōeke 1–3)

  • Ka taea e te ākonga te tuhi kōrero māmā ia rā, mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
  • Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
  • Me mārama, me whai hua tā te ākonga, tana tuhi i ngā momo tuhinga huhua noa (kōeke 3).

Ka taea hoki e te pouako te whakamahi ēnei kōrero e pā ana ki te tuhituhi, kōeke 1–3:

  • He tirohanga whānui, whārangi 24–25
  • Ngā pūkenga tuhituhi, kōeke 1–3, whārangi 47
  • Ngā whārangi whakamārama i te kawenga me ngā whai wāhitanga aromatawai, whārangi 84–86
  • Ngā āheinga reo, whārangi 110–120
  • Ngā ariā o te reo, whārangi 121–128
  • Te wetewete i te reo, whārangi 129–135
  • Ngā rārangi kupu, whārangi 138–165.

He mahi aromatawai

  • te whai tohutohu, he mahi poke parāoa
  • ko ngā mea whakauru, ko ngā inetanga
  • ko te pokenga me te tununga parāoa
  • ngā mea hei kinaki
  • ka ora ā-roto, he tino kai

Ko tētahi mahi ka taea

Ka tuhi tohutohu tao te ākonga e whakaatu ana me pēhea te tunu parāoa rēwena, i ētahi atu kai rānei. Ka whakamārama i ngā mea whakauru, ngā taputapu ka whakamahia.

Ngā hono ki ētahi atu marautanga

Tikanga ā-Iwi i roto i te Marautanga o Aotearoa

Whenu: Te Ao Hurihuri (Kōeke 1–3)
Te whakahaere patapātainga i waenga i te hunga taipakeke, kia kite ai te rerekē haere o ngā kai e pau ana i te tangata, me ngā tikanga kai e whāia ana, i te takanga o te wā; te patapātai i ngā manene kua neke mai ki Aotearoa noho ai, kia kitea ai mēnā kua rerekē ā rātou kai i tō rātou whenua hou.

Te hauora
Te matapaki i ngā kai tōtika, me te whakatairite i ngā momo kai ka pau i te ākonga ki ērā e tohua ana e Te Hotu Manawa Māori.

He whakataukī
He whā tāwhara ki uta, he kiko tāmure ki tai.

Whakamārama: Ko te nui o te kai i te whenua, i te moana. Ko te whā tāwhara he tino hua rākau o neherā, ko te tāmure he tino ika o te moana.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: