Te ope tuatahi
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–3)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi ēnei kōrero e pā ana ki te tuhituhi, kōeke 1–3:
- He tirohanga whānui, whārangi 24–25
- Ngā pūkenga tuhituhi, kōeke 1–3, whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
Whakarāpopototia ēnei kōrero kia mau ai:
- ko ngā whakarite kia haere te ope whakangahau nei ki Rānana
- te haere mā runga kaipuke
- ngā mahi i mahia, ngā wāhi i haerea, ngā tangata i tūtakitia
- te hononga ki te Kuini o Ingarangi
- ko te tikanga o te ingoa Te ope tuatahi; tētahi nō ngā Māori i haere ki te pakanga tuatahi o te ao
- te pono o te whakapae a te kaituhi, ko tēnei te ope tuatahi
Ko tētahi mahi ka taea
Ka tito te ākonga i tētahi pānui whakatairanga hei kōwhiri i tētahi kapa haka mō tētahi hīkoi pēnei i Te ope tuatahi. Ka tuhi te ākonga i tētahi pānui e whakamārama ana i ngā ture kōwhiritanga me ngā whakariterite mō te rōpū ka haere, mai i te wehenga atu i Aotearoa, ka tae ki Rānana, tae noa ki te wā e hoki mai ai ki Aotearoa. (Tuhituhi, kōeke 2–3)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–3)
Ka tito waiata te ākonga mō Te ope tuatahi e whakaahua ana i ngā momo aupiki a te rōpū ka rokohanga atu.
He whakataukī
Kotahi te kōhao o te ngira e kuhuna ai te miro mā, te miro whero, te miro pango.
