He waka ānaunaua, he waka nui e!
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.2 Kōrero i te reo o tōna ao (Kōeke 1–3)
- Ka mārama ki te ākonga ngā whakapuakitanga e pā ana ki ōna hiahia i roto i tōna ao (kōeke 1).
- Ka taea e te ākonga te āta whakarongo, te whakautu i ngā kōrero e kōrero whānuitia ana ahakoa kei hea, kei hea (kōeke 2).
- Ka whakarongo, ka mārama, ka pāhekoheko te ākonga kia mau, kia roa ai ngā whiriwhiri ā-rōpū i ngā tūmomo horopaki ako katoa (kōeke 3).
Ka taea hoki e te pouako te whakamahi ēnei kōrero e pā ana ki te whakarongo, kōeke 1–3:
- He tirohanga whānui, whārangi 24–25
- Ngā pūkenga, whārangi 35
- Ngā whārangi whakamārama i te kawenga me ngā whai wāhitanga aromatawai, whārangi 57–58
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
He waiata ruri:
- ko te āhua, ko te ariā o tēnei momo waiata
- ko te āhua o te waka motuhake nei
- te terenga o te waka ānaunaua ki ngā moana
- te rāoatanga o Tama-rereti
- ko te taki whakapapa tētahi ahua o te waiata
- te whāiti me te tāruarua o te kupu, o te haurārangi, 'Kumea mai...toia mai te waka...' He waka aha? He waka tawhito... toiuru... tairanga. Tere atu ki... rere atu ki...
Ko tētahi mahi ka taea
Ka tūhura te ākonga i ngā kupu pūmuri, ngā kupu pūriro, ngā kupu pūtohu, ngā kupu tūmuri, me te ōhia manomano i ētahi atu kupu o te reo Māori e pēnei ana te hanga, e pēnei ana anō te tikanga o ngā kupu nei.
Ngā hono ki ētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–3)
Ka tito waiata te ākonga mō 'Te waka ānaunaua, he waka nui e!'
He whakataukī
Toitū he kāinga, whatungarongaro he tangata.
