Te ao ngāngara
| Whenu | Whakaatu/Mātakitaki |
|---|---|
| Kōeke | 5 |
| Whāinga paetae | Ka taea e te ākonga te whakamahi te huhua o ngā āhuatanga reo ataata hei whakawhiti whakaaro. |
| Pūkenga | Ko te kōpūtahi i ngā āhuatanga reo ataata kia hāngai ai ki te pūtake o te whakaaturanga me ngā hua e pirangitia ana. |
Ko ngā kaupapa i puta mai hei whakaarotanga ake:
- Te kitenga i te ngāngara moka nui i te ao kapua i te rangi.
- Ko te tohu tēnei mō ngā rā i eke mai.
- He tohu kei te haere mai te tereina ki roto i te rohe o Maniapoto.
- I kitea ngā tūpuna i ngā tohu i te rangi, he mōhio nō rāua kei te haere mai te ngāngara moka.
- I mua kāore a Maniapoto i whakaae kia uru mai te iwi Pākehā ki roto i tō rātou rohe.
Hei mahi 1: Mahi whakaari
He mahi whakaari mō ngā rōpū. Whakaatu atu i roto i te reo ā-tinana me te reo ā-waha i ngā momo āhua e kōrerotia ana ki roto i te kōrero tuku iho nei (pēnei i te ngāngara moka).
Hei mahi 2: Tā pikitia
Tāia ngā pikitia e ono, hei whakaatu i ngā momo āhua e kōrerotia ana ki roto i te kōrero tuku iho nei (pēnei i te ngāngara moka). Tuhia hoki tētahi kōrero hei whakamārama i te pikitia.
