Tāriana poaka puihi
Nā Kahu Sterling nō Whanau a Apanui
Tāriana poaka puihi
Rei koi e,
Warowaro horuhoru
Rō poharu e
Tukituki rarauhe
Tātarāmoa e,
Tutū āna huruhuru
Kiri pātio e
Tō momo
He Kāpene Kuki
Māhunga kaitā e
Tae atu ana hoki
Ki to ihu roa e
Nāhau e te tāriana
Ka whakapapatia
He momo kurī
Hei kimi
Hei whai
Hei hopu
I tō tinana e
Kātahi rā
Ka puta
Te pākiwaha e
Me ana koe i kite
Whu!
Ka mau kē te wehi e
Tō rongonui
E ngutuhia ana
Huri noa te motu
Me ana koe i kite
Whu!
Ka mau kē te wehi e