Whakaata Māori
Ngā whenu
- Kōrero (Whakarongo) – Kōeke 5
- Whakarongo (Kōrero) – Kōeke 8
- Pānui (Tuhituhi) – Kōeke 6
Me mārama ngā ākonga ki te whakapapa o Whakaata Māori. Me mārama hoki ki te hanganga o Whakaata Māori, ā, ko wai ngā kaiwhakahaere o te teihana nei. Me mārama ngā ākonga kei te whakahaeretia a Whakaata Māori e Te Pūtahi Paoho me te Kāwanatanga.
Hei mahi
- Kei raro iho nei ko ngā rōpū Māori e noho mema ana ki te Pūtahi Paoho. Me whiriwhiri tētahi o ēnei rōpū e ia ākonga. Māna e rangahau he aha te tino kaupapa o taua rōpū. Me whakaatu tana pūrongo ki ōna hoa. Hei āwhina: tirohia ngā paetukutuku, arā ki www.google.co.nz ki te pukapuka Brown Pages, ki ngā pukapuka nama waea hoki.
- Te Whakaruruhau o Ngā Reo Irirangi Māori (www.irirangi.net)
- Kawea Te Rongo (Māori Journalists Organisation)
- Te Rūnanga Nui o Ngā Kura Kaupapa Māori o Aotearoa (represents Kura Kaupapa Māori Aho Matua)
- Te Kōhanga Reo National Trust (www.kohanga.ac.nz)
- Te Rōpū Wāhine Māori Toko i te Ora (Māori Women's Welfare League)
- Māori Congress
- Te Kaunihera Māori o Aotearoa (New Zealand Māori Council)
- Te Tauihu o Ngā Wānanga o Aotearoa (represents wānanga Māori)
- Ngā Aho Whakaari (represents Māori Television artists and performers)
- Te Ataarangi
- Ngā Kaiwhakapūmau i te Reo (Māori Language Society)
- E ai ki ngā rangahau o te tau 2004, e 54% o ngā tāngata mātakitaki i Whakaata Māori, ko tauiwi. Me matapaki ēnei pātai:
- Ki ōu whakaaro, he aha i pērā ai te ōrau?
- Me pēhea te whakarahi i te iwi Māori e mātakitaki ana i Whakaata Māori?
- He aha ngā whakaaturanga, hōtaka rānei i runga i Whakaata Māori e pai ana ki ngā ākonga? He aha ai?
- Me rangahau ngā hōtaka e mātakitakitia ana e ngā ākonga. Me hanga tētahi kauwhata porowhita kia kite pēhea te ōrau ā-wā ka mātakitaki pouaka whakaata, ka hākinakina, ka moe rānei.
