Hōtaka kawenga kōrero
Te whenu
- Mātakitaki (Whakaatu) – Kōeke 3
He mea nui te hōtaka kawenga kōrero ki ngā reo irirangi, ki ngā teihana pouaka whakaata hoki. He nui ngā kaha i whakapaua ai e te iwi Māori kia tū te hōtaka reo Māori ki runga i te ara tuarua ō Te Reo Tātaki o Aotearoa, arā ko Te Karere tērā.
Hei mahi
Me whakarite e ngā ākonga tētahi pānui ā-pō. Mā te pouako rātou e āwhina. Me whakamau ki runga ataata. Mā tētahi ākonga e pānui ngā tuhinga.
Hei haerenga mā ngā ākonga, me tono atu ki Whakaata Māori kia tae atu kia kite i ngā āhuatanga katoa o te teihana.
Hei āwhina i tō koutou hōtaka kawenga kōrero.
- Kia rima meneti te roa.
- Me tuhi ia ākonga i tētahi kōrero. Kia whā ngā rārangi kōrero mā ia tuhinga. Hei tauira: Tēnā koutou katoa e te iwi. I tū tētahi hui e pā ana ki te tohatoha ika ki te marae o Ikaroa. Ko te kaupapa o te hui, kia rongo i ngā kōrero o ngā hapū mō te pūnaha tohatoha ika. E ai ki ngā kaumātua me whai mana ngā hapū katoa i roto i te pūnaha tohatoha. Hei te mutunga o te wiki ka whakatau te pūnaha tohatoha ika.
- Mā ngā ākonga anō e tuhi ngā kōrero, he kōrero tūturu, he kōrero whakatākune noa iho. Ko te mea nui, kia waia rātou ki te āhuatanga o te hōtaka kawenga kōrero.
