Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


He kupu whakataki

He huinga pukapuka a Te Tautoko i whakatakotoria hei rauemi reo Māori e tautoko ana i ngā wāhi whāinga matua ki tā Te Reo Māori i roto i te Marautanga o Aotearoa, me te whakaatu hoki i ngā kaupapa whānui e pā ana ki te pāngarau, te pūtaiao, te hangarau, ngā tikanga ā-iwi, ngā toi, me te hauora i roto i ngā kaupapa kawea ai e ngā ākonga i ia rā. Ka noho mai he kōrero paki, he kōrero pono anō hoki hei tūāpapa, ā, ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū, i ngā mahi ā-akomanga rānei i te roanga atu o ngā kōrero.

Kua hora mai a Te Tautoko 53 nei hei whāwhātanga mā te hunga kua ono tau, ā, piki ake, e whakaakona ana ki te reo Māori.

Te Whakamahi i a Mā Te Pouako

Kua whakatakotoria ētahi ngohe hei mahi mā ngā ākonga. Tīpakohia ngā whāinga paetae, te kawenga (ngohe) me te aromatawai e hāngai ana ki te taumata me tāu e hiahia ai mō āu ākonga. Whakawehea ia whenu, kia whakawhanake i ngā pūkenga o ngā ākonga. Tērā ka hiahia koe kia whakatāruatia ngā wāhanga o tēnei pukapuka hei tāpiri atu ki tāu mahere.

Te Kaupapa Matua o Te Tautoko 53

Ko te tino kaupapa o Te Tautoko 53, ko te whakapapa o te reo Māori i rō pukapuka. E toru ngā kaupapa whāiti hei mahinga mā āu ākonga:

  • Te tā pukapuka
  • Te whakamahi tētahi niupepa
  • Te hītori o ngā pukapuka whakaako i te reo Māori.

Ngā kaupapa whānui o Te Tautoko 53

Ka tau te tuhi ki Aotearoa

I haria mai tēnei hanga, te tuhi kōrero, ki tēnei whenua e ngā Mihingare. He tere mārama ō tātou tīpuna ki te wāriu o te kupu kua tuhia ki runga pepa, kua tāngia ki rō pukapuka. I konei ka whai tātou i te whakapapa o te pukapuka reo Māori.

Ka tau te kupu ki te niupepa

Kei pōhēhē tātou, ko Toi Te Kupu anake te niupepa kua whakaputaina i te reo Māori. I tere mau i ō tātou tīpuna te hangarau nei, te hanga niupepa me te whakamahi perehi. Ka tirohia ētahi o ngā niupepa i whakaputaina i roto i te reo Māori.

Te kawe a te tuhi i te reo

E ai ki ngā kōrero, i rāhuitia te reo Māori i roto i ngā kura. Kia whai tātou i te hītori o te pukapuka ako i te reo Māori, ko taua hītori anō o te reo Māori. He whai tēnei wāhanga i te kawe a te kāwanatanga i te reo Māori. I te tīmatanga, he iti, he pounamu. Nā ngā kaupapa pēnei i te kōhanga reo, i te kura kaupapa Māori i nui ai ngā pukapuka reo Māori ka whakaputaina e te kāwanatanga.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: