3. Te kawe a te tuhi i te reo
Ka kapi katoa i runga i tēnei whārangi ngā take e whai ake nei. Ki te heke haere ki tētahi pū take, pāwhiria te hononga e hāngai ana:
- Whenu: Pānui
- Whenu: Kōrero
- Whenu: Tuhituhi
- Whenu: Whakaatu
- Whenu: Mātakitaki
- Ngā hononga ki ētahi atu rauemi
- Hangarau i roto i te Marautanga o Aotearoa
- Tikanga ā-Iwi i roto i te Marautanga o Aotearoa
Whenu: Pānui
Te kawenga
- Ko wai a Tamahae? He aha te ingoa o te pukapuka? He aha te tikanga o te ingoa o te pukapuka nei?
- Ka tīpakohia tētahi pukapuka e te ākonga, i runga anō i te mōhio, ākuni ka tuhi pūrongo mō taua pukapuka.
Aromatawai
- Kei te mārama te ākonga ki te kaupapa o ngā pukapuka rongonui nei, a Te Rangatahi.
- Ko tā te pouako mahi, he ui atu ki te ākonga he aha te take i kōwhiria tētahi pukapuka. Ka mārama te ākonga ki te take i kōwhiria e ia tētahi pukapuka.
Whenu: Kōrero
Te kawenga
- I te tau 1960 ka tāia ngā pukapuka ako i te reo Māori mō ngā tamariki. He aha ngā whakaaro o ngā ākonga mō ngā pukapuka o ērā wā? He aha ngā whakaaro o ngā ākonga mō te take i whakaputaina ai aua pukapuka i tērā wā?
- He mahi rangahau. Ko ēhea o ngā pukapuka reo Māori ngā tino pukapuka. He aha ai?
Aromatawai
Āpitihanga 1 – Ngā āheinga reo
- Whakakāhore: Mahia atu./Hei aha tāu./E hē! (Kōeke 3)
- Whakakore: Engari mō tēnā .../ Kia ahatia ...(Kōeke 5)
- Whakaae: Tika tonu tāu. (Kōeke 4)
Āpitihanga 3 – Te wetewete i te reo
Te pūmuri ai: i pēnei ai te hakere. (Kōeke 4)
Whenu: Tuhituhi
Te kawenga
- Tuhia he pūrongo poto mō te kaituhi, te wā, te pukapuka, ngā uauatanga me ngā painga o te pukapuka.
Aromatawai
- Ka mārama te ākonga ki te ariā matua o tētahi pukapuka. Ka mārama hoki te ākonga ki te huarahi e whāia nei e te kaituhi.
Whenu: Whakaatu
Te kawenga
- Whakawhitiwhiti kōrero mō te āhua o ngā pukapuka.
Aromatawai
- Ka taea e te ākonga te kōrero mō ngā wheako e pā ana ki ngā rauemi.
Whenu: Mātakitaki
Te kawenga/Aromatawai
- Whakaaturia ngā pūrongo ki te akomanga.
Ngā hononga ki ētahi atu rauemi
He Toi Ataata He Mana Tangata
- Te tā o te pukapuka: kimihia tētahi ipu ki te mahi – ingoa, kīanga, whakataukī.
- Ngā momo tā: poutara, karī ngātahi, whakairo kahupeka, kōwaiwai papanga.
- Ngā momo tauira: tāniko, raranga harakeke, whakairo.
Hangarau i roto i te Marautanga o Aotearoa
Kaupapa: Ngā Toi Māori (wh. 74)
- Ka pōwhiri ngā ākonga i tētahi mātanga toi kia haere ki te kura ki te whakahaere i tētahi papamahi e pā ana ki tētahi mahi toi e kitea ai ngā hātepe me ngā tikanga ka whāia ina whakapaipaitia ana tētahi taonga, tētahi whare rānei.
- Mahia ētahi whārangi pepa harakeke. Tuhia tētahi rerenga kōrero kei runga i te pepa harakeke.
Tikanga ā-Iwi i roto i te Marautanga o Aotearoa
Whenu: Te Wāhi me te Taiao (wh. 94)
Whāinga paetae
Ka taea e te ākonga te whakaatu ōna mōhiotanga me ōna māramatanga o te take me ngā huarahi e mōhio ai te tangata ki te wāhi me te taiao, mā te whakamārama i ngā take whakarite a te takitahi me te rōpū i ētahi haerenga, me te mau tonu o ngā whakaaro mō ngā wāhi me ngā taiao, ā, me te pānga o ēnei haerenga ki ngā iwi me ngā wāhi i whātorohia atu ngā kaituhi Māori. (Taumata 4).
