Tokomaru
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Kōrero (Whakarongo) (Kōeke 4–5)
- Ahakoa te horopaki e whai hua ana te whai wāhi atu a te ākonga ki ngā whiriwhiri; ka taea anō hoki te whakaputa whakaaro, te whiu pātai me te mārama anō ki ngā hiahia o te hunga whakarongo mai. (Kōeke 4)
- Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. (Kōeke 5)
Ka taea hoki e te pouako te whakamahi i ēnei kōrero e pā ana ki te kōrero, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 39–40
- Ngā whārangi whakamārama i te kawenga me ngā whai wāhitanga aromatawai, whārangi 69–70
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- Te mana arikitanga mō ngā tāngata e whā o te waka o Tokomaru.
- Ngā kōrero rerekē kei tēnā iwi o Taranaki mō te waka o Tokomaru.
Hei mahi
Ka whiriwhiri ā-rōpū ki te rapu rongoā mō tēnei raruraru: Kua pōhiritia koe kia haere ki whenua kē mā runga waka hourua, engari kāore koe i te tino mōhio he aha ngā rawa kia haria mai e koe mō te haerenga. Me aha koe?
Mā ia rōpū e whiriwhiri he aha ngā rawa pai mō rātou ake mēnā ka haere rātou. (Kōrero, kōeke 4)
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Ngā Rawa me ngā Mahinga Ohaoha (Taumata 4)
Ka kōwhiri whakarite te ākonga mō ngā rawa ka haria mai e ia mā runga i tētahi waka hourua. E āhei ana ki te whai whakaaro mō tā te Māori titiro ki āna rawa.
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō ngā tīpuna i haere mai nā runga i te waka o Tokomaru.
He pepeha
Ko te one ahuahu o Manaia.
