Kurahaupō
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Whakarongo (Kōrero) (Kōeke 4–5)
- Mā te āta whakarongo ka taea e te ākonga te kōrero te whai. (Kōeke 4)
- Ka mārama ki te ākonga te whānuitanga o ngā kōrero i te huhua noa o ngā horopaki ngahau, me ngā horopaki ako. (Kōeke 5)
Ka taea hoki e te pouako te whakamahi i ēnei kōrero e pā ana ki te whakarongo, kōeke 4–5:
- He whakaahua whānui, whārangi 25–26
- He tirohanga whānuitanga: Reo torohū, whārangi 35–36
- Ngā whārangi whakamārama i te kawenga me ngā whai wāhitanga aromatawai, whārangi 61–62
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- Te ingoa o Kurahaupō – he ingoa mō ngā waka e rua.
- Te tikanga o te tohi o te waka.
- He whakamārama mō te whakaingoa o tētahi waka.
Hei mahi
Mā te āta whakarongo ki tōna pouako e taea ai e te ākonga te tuhi kōrero e pā ana ki tētahi pūrākau o ngā waka o neherā. (Whakarongo, kōeke 4)
Ka whakarongo ngā ākonga ki ngā kōrero ka puta mai i runga marae, arā, he whaikōrero, he pakiwaitara rānei, e pā ana ki ngā waka tīpuna. (Whakarongo, kōeke 5)
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Wāhi me te Taiao (Taumata 4)
E āhei ana te ākonga ki te whakaahua i te Hekenga Nui. E taea e te ākonga te aro atu ki te reo whakataurite, reo whakataurite rerekē hei whakaputa i ngā māramatanga o te hekenga mai o ngā waka mā te whakatere ā rangi.
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō ngā tīpuna i haere mai nā runga i te waka o Kurahaupō.
He pepehā
Te waka pakaru ki te moana.
