He Kupu Whakataki
Nō te tau 2002 te whakaputanga tuatahi o ētahi o ngā pukapuka Pīpī Pāngarau. Ko tā ngā pukapuka nei, he tautoko i te hōtaka whakaako pāngarau, arā, he whakaatu i ētahi kaupapa pāngarau o ia rā, hei pānui, hei whakawhitiwhiti kōrero, otirā hei ako mā te hunga nohinohi o te kura. E whā ngā pukapuka o roto i tēnei kāhui hou o Pīpī Pāngarau, e rua e aro ana ki te tauanga:
-
Taku Manu Tukutuku
I tēnei pukapuka, ka matapaetia mēnā ka rere ngā manu tukutuku a ngā tamariki. -
Te Tākaro Hītokotoko
I tēnei pukapuka ka matapaetia mēnā ka hītoko te tamaiti ki tētahi wāhi kei te papa. -
Te Tākaro Māpere
I tēnei pukapuka ka whakamātauria te maha o ngā māpere i uru ki te rua. Mā te whakaari raraunga kei ia whārangi hei āwhina atu. -
Te Totitoti
I tēnei pukapuka ka tirohia te maha o ngā hīkoitanga a ngā tamariki. Mā te whakaari raraunga kei ia whārangi hei āwhina atu.
E rua ngā whakaputanga o ia pukapuka – he pukapuka iti, he pukapuka nui anō hoki. He ōrite te pukapuka nui ki te pukapuka iti. E āhei ana te pouako te pānui ngātahi, te pānui takitahi hoki.