Ētehi atu mahi
Te Reo Māori i roto i te Marautanga o Aotearoa
| Te whenu | Tuhituhi (Pānui) |
|---|---|
| Te kōeke | Tuarima |
| Te whāinga paetae | Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. |
Ngā pūkenga
- Ko te whakataki, ko te whakawhanake, ko te whakaoti i ngā tuhinga, ahakoa te tūmomo tuhinga.
- Ko te whakatakoto kupu kia mārama, kia raupapa anō ōna whakaaro.
- Ko te tautoko i ngā whakaaro ki ngā taunakitanga.
- Ko te whakahāngai i te kōrero ki te pūtake o te tuhituhi, otirā me manako mai anō te kaipānui.
- Ko te āta tirotiro me te āta tātari i āna ake tuhinga hei whakatika, hei whakapai ake te whakatakoto kōrero.
Ngā kawenga
He mahi a rōpū (ā-akomanga). Kia rua ngā wiki kia whakaputaina e te akomanga tētehi mōkihi (moheni) mo te wāhanga o te tau. Ko ngā momo tuhinga mo te mōkihi:
- he tito rotarota, waiata rānei
- he uiuinga i tētehi o ngā whānau (mātua)
- he tangata rongonui
- he tohutohu ki te tunu kai
- he tohutohu ki te hanga taonga
- he pānui e pā ana ki ngā mahi a te hapori e heke mai nei
- he pakiwaitara poto
- ētehi atu tuhinga.
Mā ia ākonga hei kōwhiri te momo tuhinga māna, ko tētehi hei whakahoahoa i te katoa o te mōkihi, ko tētehi hei ētita, mā te katoa hei waihanga i tētehi ingoa mo te mōkihi.
Te aromatawai
| Te aromatawai | Mā te whānau te mōkihi nei, nā reira ko rātou anō ngā kaiaromatawai. |
|---|
Hangarau i roto i te Marautanga o Aotearoa
| Te kaupeka | Ngā kaupeka katoa |
|---|---|
| Te taumata | 4–8 |
| Te whāinga paetae |
Ka whakawhanake māramatanga e pā ana ki te whakaputa pukapuka.
Mā te whakamahi taputapu, pūrere hiko, iahiko hoki, ka whai māramatanga, arā, he take tō te hangarau mōhiohio me te hangarau whakamōhio.
| Hei mahi | Whakaputa mōkihi hei tautoko i ngā mahi o te marau Te Reo Māori i roto i te Marautanga o Aotearoa. |
|---|
