Ngohe 2
He mahi rangahau
Me rangahau ngā ākonga tētahi o ēnei kaupapa e pā ana ki te waka ama:
Titiro ki ngā kōrero i roto i ngā pukapuka o Te Wharekura (he rārangi pukapuka kei te mutunga o tēnei kōrero). Hoatu ētahi o ēnei kōrero ki ngā ākonga hei āwhina i a rātau.
- Me kimi kōrero mai i te Ipurangi e pā ana ki ngā mahi a ngā rōpū waka ama o Aotearoa. Me tuhi kōrero e pā ana ki ngā mahi.
- Kimihia, mai i te Ipurangi, ngā kōrero mō ngā tikanga ārai hauata.
- Tērā pea he karapu waka ama e tata ana ki te kura. Ko te mahi a ngā ākonga ko te kimi kōrero ka pēhea tēnei karapu i tīmata, ko te tau i tīmata ai, ko ngā tāngata o roto i te karapu.
- Mehemea kei roto ētahi o ngā ākonga i tētahi karapu waka ama, me tuhituhi i ō rātau ake wheako whaiaro. Me tango whakaahua o ngā mahi, me kōrero ki mua i te karaehe mō ngā heipū e rima.
Kei ia pouako tōna ake whakaaro:
- mō te roa o te mahi
- hei mahi i roto i ngā karaehe rānei, hei mahi kāinga rānei
- me mahi takitahi rānei, ā-rōpū rānei
- mō ngā māka – mai i te 100 ōrau rānei, A, E, H rānei, aha rānei.