He kupu whakataki
He kupu whakataki
He huinga pukapuka a Te Wharekura i whakatakotoria hei rauemi whai muri i Te Tautoko. He rauemi reo Māori tēnei e tautoko ana i ngā wāhi whāinga matua i tā Te Reo Māori i roto i te Marautanga o Aotearoa. Ka whakaatu hoki i ngā kaupapa whānui e pā ana ki te pūtaiao, te hangarau, te pāngarau, ngā tikanga ā-iwi, me ngā toi i roto i ngā kaupapa kawea ai e ngā ākonga ia rā. Ka noho mai he kōrero pono hei tūāpapa, ā, ko te tikanga, mai i reira ka toro atu ngā ākonga i ngā mahi takitahi, ā-rōpū, ā-akomanga rānei i te roanga o ngā kōrero.
He kōrero mō Te Wharekura 75
Ko ngā kōrero kei roto i Te Wharekura 75, he kaupapa e mōhiotia ana e te kaituhi, a Tamahou Temara, e pā ana ki ngā waka whakatere i runga i Te Moana-nui-a-Kiwa. Nō Ngāi Tūhoe a Tamahou Temara. He tangata hoe waka ama ia mō te karapu o Kōkiri Marae ki Te Whanganui-a-Tara, ā, he kaimahi ia i roto i te whare taonga o Te Papa. E matatau ana te kaituhi ki ngā mahi hoe waka me ngā kōrero tuku iho a ngā mātua tīpuna mō tēnei tūmomo mahi.
Te whakamahi i tēnei pukapuka
Kua whakaritea ēnei kōrero hei āwhina i ngā pouako i roto i ngā kura tuarua ki te whakarite mahi mō ngā ākonga tau 9–10 (Te Reo Māori, kōeke 5–6; Tikanga ā-Iwi, taumata 5; Pāngarau, taumata 5). Kua hāngai pū tēnei mahi ki ngā kaupapa o te reo Māori, tikanga ā-iwi, me te pāngarau hoki i roto i te marautanga o Aotearoa. Heoi anō, he pai hoki tēnei kaupapa mō ngā mahi pūtaiao me ngā toi.
Hei tauira
Pūtaiao
Ka āta rangahau i ngā mahi kia haere mai ki Aotearoa me te kore mahere, kore kapehu hoki. Ka titiro ki ngā whetū me te pupuhi o Tāwhirimātea, me te rere o te wai o Tangaroa.
Ngā Toi
Ka titiro ki ngā whakairo i runga i ngā waka me ngā tauira kōwhaiwhai kei runga.
