Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Wharekura Ministry of Education.

Mā te pouako navigation


Ngohe 3a

He rangahau, he taupatupatu, he tuhituhi kōrero

1.

Rangahaua ngā whakautu ki ngā pātai e whai ake nei, ā, tuhituhi ō whakaaro ki tō pukapuka.

a.

Ki ōu whakaaro, he aha pea te/ētahi take i tino whakahē te Kīngitanga i te rūri a te Kōti Whenua Māori?

b.

Ki ōu whakaaro, he aha te take i whakahē a Ngāti Maniapoto ki te wāwāhi o te whenua kia riro i te takitahi? Ko wai hoki taua takitahi?

c.

He aha te tikanga o tēnei kōrero ka takaroa te Kōti? He pēhea rawa i takaroa ai te Kōti, ā, he aha te hua o tērā?

d.

Mō Te Rohe Pōtae:

i.

Ko wai ngā iwi i whaipānga ki ēnei whenua?

ii.

Ko wai ngā ingoa o ētahi pā nui, Pākehā, Māori hoki, i roto i Te Rohe Pōtae?

iii.

Ko wai ngā ingoa o ētahi o ngā rangatira Māori nui i tohetohea ai e rātou a Te Rohe Pōtae?

iv.

He aha te wāhi ki a Paratene Ngata i roto i ēnei tohetohe?

v.

Kei whea ngā rohe o Te Rohe Pōtae?

vi.

Ko wai te ingoa Ingarihi mō Te Rohe Pōtae?

2.

E kī ana ētahi, "me i kotahi te whakaaro o te iwi Māori kua kore kē i riro i te Pākehā te mana whakahaere, te mana kāwana i Aotearoa."

a.

Tirohia ana Te Rohe Pōtae hei tauira, ka kite tātou i ētahi rerekētanga matua i waenganui i ngā whakaaro o tēnā, o tēnā o te iwi Māori. Tuhituhia he kōrero mō tētahi o ngā pātai i raro nei.

i.

Me i te ora koe i tērā takiwā, kua whakaaro pēhea koe? He aha ai?

ii.

Ina kitea e koe te rerekē o ngā whakaaro o tēnā, o tēnā o ōu hoa, whanaunga, iwi hoki, kua aha koe hei whakakotahi i te iwi kia kore e riro i te Pākehā te mana whakahaere, te mana kāwana i Aotearoa?

iii.

E kī ana ētahi, " E kore te iwi Māori e āhei te haere i runga i te whakaaro kotahi!" Ki ōu whakaaro, ka taea rānei e te iwi Māori te haere i runga i te whakaaro kotahi, kāhore rānei e taea? He aha koe i whakaaro pēnā? Hōmai hoki he tauira hei tautoko i tō kōrero.

b.

Titiro atu ki te ao whānui. Ia rā, ia rā, e kite ana tātou i ngā raruraru nui e puta mai ana i te ao, huri noa, he hua nō te tino rerekē o ngā whakaaro o tēnā iwi, o tēnā iwi, o tēnā hapū, o tēnā hapū, o tēnā tangata, o tēnā tangata. Ahakoa he whānau kotahi te whānau tangata kei te noho wehewehe kē ngā iwi i tēnei āhuatanga.
  Ahakoa ēnei rerekētanga, ka taea rānei te whānau tangata te haere tahi i runga i te whakaaro kotahi? Tuhituhia he kōrero hei whakamārama i ngā take e whakaaro ana koe 'Āe', e whakaaro ana koe 'Kāo' rānei. Hōmai hoki he tauira hei tautoko mō tō kōrero.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa


Site map


Footer: