Whakaakoranga 4
Kei ngā whārangi 13–14 o Te Wharekura 71 ētahi tangi a te ngākau o Paratene Ngata mō te reo Māori, mō te āhua o ētahi ki tō rātou Māoritanga, ki ō rātou whenua hoki.
| Mō te taha ki ngā kura, me tohe tātou katoa kia akona te reo Māori ki roto i ētahi Kura Mihinare pērā i a Te Aute, Hukarere me Waerengahika me ērā atu kura pēnei i a Tīpene me ētahi atu kura rānei. |
| E pātai ana ahau. "He aha rā i huna ai te reo rangatira i te Iwi Māori, i kore ai e akona ki te Iwi Māori anō?" |
| He mate nui tēnei nō te iwi Māori, he mate hē noa iho. Kāhore he hara, nā ā tātou Pākehā noa iho pea i pēhi kia kore e akona. E pōuri ana anō ahau mō tētahi pūtake i mahue i a Te Rēweti. He Māori tonu te tangata ko ōna whenua i heke mai i roto i tōna taha Māori. Ka haere ki te tono ki te Kōti kia kīia ia he tangata Pākehā ko ōna whenua kia whakapākehātia. He tohu ēnei hei kitenga iho mā tātou ko te Māori anō kei te takahi i tōna Māoritanga me ōna ture Māori. Kāhore pea he tangata i te whakahē mō te ako i te tamariki ki te reo Pākehā. Ko ahau anake! Ko tāku whakahē he whakarere nō rātou i te kōrero Māori, ā, ka kōrero i te reo Pākehā anake, ki ā rātou Māori anō. Nā taua āhua tonu tētahi i mahue ai te reo Māori. |
