Ngohe 1
Ngā pūkenga tauwhāiti: Ngā pūkenga whitiwhiti kōrero me ngā pūkenga whakawāwā
Te whāinga ako: Ka āhei te ākonga ki te hopu tika, ki te tuku tika i ngā mōhiohio tohutohu.
Ngā whakaakoranga tōmua
Ngā momo pātai matapaki hei whakatau
- Ko wai te marae tino pātata mai ki tō kāinga?
- Ko wai te maunga nui o te iwi kāinga?
- Ko wai te awa nui o tō rohe?
- Ko wai te tangata whenua o tō rohe?
- Ko wai mā ngā iwi rāwaho kei tō rohe e noho ana?
Me mōhio ngā ākonga ki ēnei mōhiohio
- Ko te kuia rangatira nei, a Anituatua Black, nō te waka o Mātaatua, nō te waka o Te Arawa hoki.
- E ai ki ngā kōrero o neherā, i ū mai te waka o Te Arawa ki Whangaparāoa, te wāhi whakatā mō te iwi o runga. Mai i reira, ka rewa anō te waka nei, ka ahu ki te takiwā, ki Te Moana-o-Toi, ko ngā rangatira ērā e taunaha whenua ana mō rātou. Ka ū rātou ki Maketū, taketake atu ki reira ko ngā uri, te iwi o Te Arawa tēnā.
- Ko ngā kōrero mō Mātaatua i kī i tau ki Whakatāne. Nō muri, ka rewa anō te waka nei me ētahi o Ngāti Awa, ka ahu ki te Taitokerau, ki Tākou.
